اسكەرگە كىمدەر شاقىرىلمايدى - قورعانىس مينيسترلىگىنىڭ جاۋابى
سونىمەن، بەيبىت كەزەڭدە اسكەري قىزمەتكە دەنساۋلىق جاعدايىنا بايلانىستى وتپەي قالعاندار؛ 27 جاسقا دەيىن زاڭدى نەگىزدە مەرزىمدى اسكەري قىزمەتكە شاقىرىلماعاندار؛ اسكەري قىزمەتتى وتەۋ كەزىندە مىندەتىن ورىنداۋ بارىسىندا تۋىستارىنىڭ ءبىرى كوز جۇمسا نەمەسە مۇگەدەك (ءبىرىنشى جانە ەكىنشى توپتاعى) بولسا اسكەري بورىشىنان بوساتىلادى.
سونىمەن قاتار اسكەري قىزمەتتى باسقا مەملەكەتتە وتكەندەر، عىلىمي دارەجەسى بارلار، تىركەلگەن ءدىني بىرلەستىكتەردەگى ءدىن قىزمەتكەرلەرى دە قارۋلى كۇشتەر قاتارىنا شاقىرتىلمايدى.
ءوز كەزەگىندە اسكەري جيىنداردان قورعانىستى، قاۋىپسىزدىكتى ءارى قۇقىقتىق ءتارتىپتى قامتاماسىز ەتۋمەن بايلانىستى لاۋازىمداردا مەملەكەتتىك ورگانداردا جۇمىس ىستەيتىندەر؛ مەملەكەتتىك، ازاماتتىق ءارى ەكسپەريمەنتتىك اۆياتسيانىڭ قىزمەتكەرلەرى؛ ەگىن ەگۋ مەن استىق وراعى ناۋقانىندا اۋىل شارۋاشىلىعىندا جۇمىس ىستەيتىن ادامدار بوساتىلادى.
مۇنىمەن قوسا، وقۋ جىلى كەزەڭىندە كۇندىزگى وقىتۋ رەجيمىندەگى ءبىلىم بەرۋ ۇيىمدارىنىڭ پەداگوگيكالىق قىزمەتكەرلەرى؛ كۇندىزگى وقۋ تارتىبىندە ءبىلىم الىپ جاتقاندار؛ اسكەري مىندەتتى ايەلدەر؛ 18 جاسقا دەيىن ءۇش نەمەسە ودان كوپ بالالارى بارلار؛ الدىن الا تەرگەۋ امالدارىنا تارتىلعان نەمەسە قىلمىستىق ءىسى سوتپەن قارالىپ جاتقان ادامدار؛ ق ر پارلامەنتىنىڭ نەمەسە جەرگىلىكتى وكىلدىك ورگانداردىڭ دەپۋتاتتارى بولىپ سايلانعان اسكەري مىندەتتىلەر جاۋىنگەرلىك جيىندارعا شاقىرتىلمايدى.
اۆتور: رۋسلان عابباسوۆ
