قازاقستاننىڭ ب ۇ ۇ قاۋىپسىزدىك كەڭەسىنە ءتوراعالىعى قازاق حالقىنىڭ تابىسى - ەلباسى
«بۇل ءبىزدىڭ تاريحىمىز ءۇشىن وتە ماڭىزدى، بۇرىن-سوڭدى بولماعان شارا. بۇكىل دۇنيەنىڭ وسىنداي ۇيىمىن باسقارۋ، نۇسقاۋ بەرۋ، نە ىستەۋ كەرەكتىگىن ايتۋ - مۇنىڭ بارلىعى ۇلكەن تابىسىمىز دەپ سانايمىن. مەنىڭ جەكە باسىمنىڭ تابىسى ەمەس قازاق حالقىنىڭ، قازاقستاننىڭ تابىسى. ارتىمىزدا حالقىمىز تۇرعاننان كەيىن ەلگە قىزمەت ىستەپ، جاقسىلىق جاساۋ ءۇشىن ءجۇرىپ جاتىرمىز»، - دەدى ەلباسى.
مەملكەت باسشىسى سۇحبات بارىسىندا قازاقستان مەن ا ق ش بايلانىستارىنا دا كەڭىنەن توقتالىپ ءوتتى.
«ا ق ش- تىڭ دۇنيەجۇزىندەگى ەڭ الىپ ەل ەكەندىگى بارلىعىمىزعا دا بەلگىلى. جاقىن ارادا ا ق ش- تىڭ ورنىنا كەلە قالاتىن دۇنيەدە مەملەكەت جوق. جاقىنىراق كەلە جاتقان قىتاي شىعار. ءبىراق ول دا ءالى كوپ شارۋا جاساۋى كەرەك. سوندىقتان وسىنداي ەلمەن، اسىرەسە عىلىمي-تەحنيكالىق جاعىنان دامىپ كەلە جاتقان ەلمەن قارىم-قاتىناس جاساۋ ءبىز ءۇشىن وتە قاجەت»، - دەدى نۇرسۇلتان نازاربايەۆ.
ەلباسى ەلىمىزدىڭ ءۇشىنشى جاڭعىرۋى، يندۋستريالىق، ينفراقۇرىلىمدىق باعدارلامالاردى جۇزەگە اسىرۋ ءۇشىن ا ق ش- پەن ەكىجاقتى بايلانىستاردى نىعايتا ءتۇسۋ قاجەتتىگىنە نازار اۋداردى.
«كەشەگى جولداۋدا ايتىلعان ماسەلەلەردى جۇزەگە اسىرۋ ءۇشىن ءتورتىنشى تەحنولوگيالىق ريەۆوليۋتسياعا ءوتىپ، سيفرلىق تەحنولوگيانى دامىتامىز دەپ وتىرمىز. ال ونىڭ بارلىعى دا وسى جەردە»، - دەدى ق ر پرەزيدەنتى.
اۆتور: مارلان جيەمباي
