بيىل قولدانىسقا بەرىلەتىن جالدامالى تۇرعىن ۇيلەر سانى ءۇش ەسەگە ۇلعايادى- اقمولا وبلىسى
بۇل تۋرالى ايماق باسشىسى مالىك مىرزاليننىڭ توراعالىعىمەن وڭىردە «نۇرلى جەر» باعدارلاماسىن جۇزەگە اسىرۋ بارىسى تالقىلانعان ماجىلىستە ايتىلدى، دەپ حابارلايدى قازاقپارات ءتىلشىسى اكىمدىكتىڭ باسپا ءسوز قىزمەتىنە سىلتەمە جاساپ.
اقمولا وبلىستىق قۇرىلىس باسقارماسى باسشىسىنىڭ مىندەتىن اتقارۋشى ماناپحان قانسەيىتوۆتىڭ سوزىنشە، 2018-جىلى تۇرعىن ءۇي مەن ينجەنەرلىك ينفراقۇرىلىمنىڭ قۇرىلىسى ءۇشىن 7,7 ميلليارد تەڭگە قارجى ءبولۋ قاراستىرىلىپ وتىر.
اعىمداعى جىلى «نۇرلى جەر» باعدارلاماسى شەڭبەرىندە «حالىقتىڭ الەۋمەتتىك جاعىنان وسال توپتارىنا جالدامالى تۇرعىن ءۇي قورىن قۇرۋ» باعىتى بويىنشا كوكشەتاۋ، شۋچينسك قالالارى مەن ساندىقتاۋ، سەلينوگراد، اتباسار، استراحان جانە قورعالجىن اۋداندارىندا 14 جوبا قاراستىرىلىپ وتىر.
وسىلايشا، م. قانسەيىتوۆ اتاپ وتكەندەي بيىل وڭىردە قولدانىسقا بەرىلەتىن جالدامالى تۇرعىن ۇيلەر سانى ءۇش ەسەگە ۇلعايادى.
«تۇرعىن ءۇي قۇرىلىس جيناق جۇيەسى ارقىلى جالدامالى تۇرعىن ءۇي قۇرىلىسى» باعىتى بويىنشا «بايتەرەك ديەۆەلوپمەنت» ا ق قاراجاتىن تارتۋ ارقىلى كوكشەتاۋ قالاسىندا 12 جوبانىڭ قۇرىلىسىن جۇرگىزۋ كوزدەلگەن. ونىڭ 4 ءىن قولدانىسقا بەرۋ جوسپاردا بار. بۇل كورسەتكىش بىلتىرعى جىلمەن سالىستىرعاندا 2 ەسەگە جوعارى.
ايتا كەتۋ كەرەك، قولجەتىمدى تۇرعىن ءۇي قۇرىلىسىن سالۋ بويىنشا جوبانى جۇزەگە اسىراتىن وڭىردە «ەسىل الەۋمەتتىك- كاسىپكەرلىك كورپوراتسياسى مەن «اقمولا نۇرلى جەر» ج ش س قۇرىلدى.
كاسىپورىن باسشىسى اسقار تولەمىسوۆ «اقمولا نۇرلى جەر» ج ش س جۇمىسى قولجەتىمدى تۇرعىن ءۇي قۇرىلىسىن جۇرگىزۋ ءۇشىن بيۋدجەتتەن تىس قارجى تارتۋ بولىپ سانالادى. وسى ارقىلى قولجەتىمدى تۇرعىن ءۇي قۇرىلىسى الدىمەن تسەلينوگراد اۋدانىندا، كەيىن بۋراباي، زەرەندى، اقكول، استراحان، اتباسار، شورتاندى، ارشالى اۋداندارى جانە ستەپنوگور قالاسىندا قولعا الىناتىن بولادى.
وسى رەتتە، ايماق باسشىسى «نۇرلى جەر» باعدارلاماسى شەڭبەرىندە وڭىردە تۇرعىن ءۇي قۇرىلىسى جاندانعانىن اتاپ ءوتتى.
«وتكەن جىلى وبلىستا 426,3 مىڭ شارشى مەتر باسپانا پايدالانۋعا بەرىلىپ، الدىڭعى جىلدىڭ ءتيىستى كەزەڭىمەن سالىستىرعاندا 117 پايىزدى قۇرادى. ونىڭ ىشىندە جەكەمەنشىك تۇرعىن ءۇيدى قولدانىسقا بەرۋ 1,6 ەسەگە ارتتى. بيىلعى جىلعى جوسپار بۇل باعىتتاعى جۇمىستى ودان ءəرى شيراتۋعا مۇمكىندىك بەرەدى»، دەدى م. مىرزالين.
