ەلدىڭ باسىم بولىگىندە جاۋىن-شاشىنسىز كۇن رايى كۇتىلەدى

استانا. قازاقپارات - 19- قاڭتار كۇنى انتيتسيكلوننىڭ اسەرىنەن قازاقستاننىڭ باسىم بولىگىندە كۇن رايى جاۋىن-شاشىنسىز بولادى، جاۋىن ەلدىڭ باتىسىندا عانا كۇتىلەدى.

رەسپۋبليكانىڭ كەي جەرلەرىندە تۇمان ساقتالادى، باتىستا جانە وڭتۇستىك شىعىستا جەلدىڭ كۇشەيۋى ىقتيمال، باتىستا سونداي-اق كوكتايعاق بولجانادى.

اتاپ ايتقاندا، الماتى وبلىسىنىڭ كەي جەرلەرىن تۇمان باسادى، جالاڭاشكول اۋدانىندا جەلدىڭ ەكپىنى 18-23 م/س كۇشەيەدى.

ماڭعىستاۋ، اتىراۋ وبلىستارىنىڭ كەي جەرلەرىندە تۇمان مەن كوكتايعاق كۇتىلەدى، جەلدىڭ جىلدامدىعى 15-20 م/س ارتادى.

اقمولا، شىعىس قازاقستان، جامبىل، وڭتۇستىك قازاقستان،  قىزىلوردا، باتىس قازاقستان، اقتوبە، قوستاناي، سولتۇستىك قازاقستان، پاۆلودار جانە قاراعاندى وبلىستارىنىڭ كەي جەرلەرىندە تۇمان بولجانادى.