قازاقستان ب ۇ ۇ ق ك كۇنتارتىبىندەگى وزەكتى ماسەلەلەردى شەشۋدە بەلسەندى ءارى ءادىل بولۋعا تىرىستى - نۇرسۇلتان نازاربايەۆ
بۇل تۋرالى بۇگىن اتالعان كەڭەستىڭ «جاپپاي قىرىپ- جوياتىن قارۋدى تاراتپاۋ: شارالار مەن سەنىم» تاقىرىبىنداعى وتىرىسىندا ءسوز سويلەگەن قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«ءبىز قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىن جانە بۇگىنگى ءتوراعالىق قىزمەتىمىزدى الەمدىك قوعامداستىقتىڭ ەلىمىزگە جانە ونىڭ بەيبىتشىل ساياساتىنا دەگەن سەنىمى دەپ بىلەمىز. ورتالىق ازيانىڭ بۇل مارتەبەلى قىزمەتتەگى ءبىرىنشى مەملەكەتى رەتىندە ءبىز وڭىرىمىزدەگى حالىقتاردىڭ دۇنيەجۇزىلىك ۇيىمداعى وكىلى سىڭايلىمىز»، - دەدى ەلباسى.
نۇرسۇلتان نازاربايەۆ قازاقستاننىڭ بۇۇ قاۋىپسىزدىك كەڭەسىندەگى قىزمەتىنىڭ ءبىرىنشى جىلى وتكەنىن اتاپ ءوتتى.
«ءبىز كەڭەستىڭ كۇنتارتىبىندەگى وزەكتى ماسەلەلەردى شەشۋ بارىسىندا بارىنشا بەلسەندى، كونسترۋكتيۆتى جانە ءادىل بولۋعا تىرىستىق. اۋعانستان، تاليبان، ي گ ي ل، د ا ي ش، ءال- كايدا جانە سومالي ەريترەيا جونىندەگى كوميتەتتەردى باسقارا وتىرىپ، ولاردىڭ جەمىستى قىزمەت ەتۋىنە ءوز ۇلەسىمىزدى قوسىپ كەلەمىز. كەڭەستىڭ بارلىق مۇشە مەملەكەتتەرىنە بەرىك ىنتىماقتاستىعى ءۇشىن ريزاشىلىعىمدى بىلدىرەمىن»، - دەدى قازاقستان پرەزيدەنتى.
اۆتور: مارلان جيەمباي
