نۇرسۇلتان نازاربايەۆتىڭ توراعالىعىمەن ب ۇ ۇ قاۋىپسىزدىك كەڭەسىنىڭ وتىرىسى باستالدى

نيۋ- يورك. قازاقپارات - قازاقستان پرەزيدەنتى نۇرسۇلتان نازاربايەۆتىڭ توراعالىعىمەن بىرىككەن ۇلتتار ۇيىمى قاۋىپسىزدىك كەڭەسىنىڭ وتىرىسى باستالدى، دەپ حابارلايدى قازاقپارات.

قاۋىپسىزدىك كەڭەسىنىڭ ءماجىلىسى «جاپپاي قىرىپ- جوياتىن قارۋدى تاراتپاۋ: شارالار مەن سەنىم» دەگەن تاقىرىپپەن وتۋدە. قازاقستان كەڭەسكە ءتوراعا رەتىندە اتالعان شارانىڭ تۇجىرىمداماسىن ۇسىنىپ، ونى ق ك- ءنىڭ بارلىق مۇشەلەرى قولداعان بولاتىن.

 قۇجاتتا «بەيبىتشىلىك. XXI عاسىر» مانيفەسى جانە 2017 -جىلدىڭ 6 - قاڭتارىنداعى «قازاقستاننىڭ قاۋىپسىز ءادىل، دامىعان الەم ءۇشىن جاھاندىق ارىپتەستىكتى نىعايتۋ جونىندەگى تۇجىرىمدى كوزقاراسى» اتتى ەكى قۇجات نەگىزگە الىنعان. دەبات بارىسىندا قىرىپ- جويۋ قارۋىن تاراتپاۋدىڭ ماڭىزدى ماسەلەلەرى ءسوز بولماق. بۇل رەتتە اتالعان ماسەلەلەر سەنىم شارالارىن نىعايتۋ جۇمىستارى اياسىندا قاراستىرىلماق.

وتىرىسقا پولشا پرەزيدەنتى اندجەي دۋدا، ب ۇ ۇ باس حاتشىسى انتونيۋ گۋتەرريش، رەسەي سىرتقى ىستەر ءمينيسترى سەرگەي لاۆروۆ جانە وزگە دە لاۋازىمدى تۇلعالار قاتىسۋدا.

ايتا كەتەيىك، قازاقستان پرەزيدەنتى 16 - قاڭتاردا ۆاشينگتونعا رەسمي ساپارمەن كەلىپ، اق ۇيدە ا ق ش پرەزيدەنتى دونالد ترامپەن جەكە كەزدەسىپ، ودان كەيىن كەڭەيتىلگەن قۇرامدا كەلىسسوز جۇرگىزدى. سونىمەن قاتار امەريكالىق ىسكەر توپتار وكىلدەرىمەن ۇيىمداستىرىلعان دوڭگەلەك ۇستەل وتىرىسىنا دا قاتىستى. مەملەكەت باسشىسىنىڭ امەريكالىق بيزنەس وكىلدەرىمەن كەزدەسۋىنىڭ ناتيجەسىندە جالپى سوماسى 7 ميلليارد دوللاردى قۇرايتىن 20-دان استام كەلىسىمشارت راسىمدەلدى.

اۆتور: مارلان جيەمباي