مارافوندا دارەتحاناعا تىعىلىپ چەمپيون اتانعان سپورتشى سپورتتان قۋىلدى

 استانا. قازاقپارات - ا ق ش- تىڭ اريزونا شتاتىندا ۋلترامارافوندى ۇيىمداستىرۋشىلار ستايەر كەللي ەگنيۋدى جەڭىمپاز اتانعانىنا قاراماستان جارىستان شەتتەتى.

 بۇل تۋرالى prosports.kz حابارلادى.

كەللي ەگنيۋ جارىس جولىن جۇگىرىپ ءوتۋ بارىسىندا بيواجەتحانادا تىعىلىپ، وتىرعان. ول جارىس جولىن جۇگىرىپ وتەتىن ارنايى سحەما دايىنداعان. ءار اينالىمنان كەيىن باستاپقى مارەنى عانا جۇگىرىپ وتىرىپ، كەيىن قايتا بيواجەتحاناعا تىعىلعان.

كەيىن، ونىڭ بۇل ارەكەتىن تىركەۋشى تورەشى كورىپ قويعان.

كەللي ەگنيۋ 2014/15 -جىلعى ماۋسىمدا وسى مارافوننىڭ جەڭىمپازى اتانعان. بۇل جاعدايدان كەيىن ەگنيۋدىڭ ناتيجەسى جويىلىپ، جەڭىل اتلەت سپورتتان ءومىر بويىنا شەتتەتىلدى.

«Across the Year» مارافونىنىڭ ەرەجەسى بويىنشا سپورتشى بەلگىلى ءبىر ۋاقىتتا بارىنشا ۇزاق قاشىقتىقتى جۇگىرىپ ءوتۋى ءتيىس. 24, 48, 72 ساعات نەمەسە التى كۇندە ەڭ كوپ قاشىقتىقتى ەڭسەرگەن ادام جەڭىمپاز سانالادى.