وزبەكستان پرەزيدەنتى اقتوبە وبلىسىنداعى اپاتقا بايلانىستى ارنايى كوميسسيا قۇردى
دەپ حابارلايدى «قازاقپارات» ح ا ا ءتىلشىسى.
«وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆتىڭ تاپسىرماسىمەن پرەمەر- مينيستر باسشىلىعىندا ارنايى ۇكىمەت كوميسسياسى قۇرىلدى. ونىڭ قۇرامىنا سىرتقى ىستەر مينيسترلىگىنىڭ، توتەنشە جاعدايلار مينيسترلىگىنىڭ، ىشكى ىستەر مينيسترلىگىنىڭ، دەنساۋلىق ساقتاۋ مينيسترلىگىنىڭ جانە باسقا ۆەدومستۆولاردىڭ وكىلدەرى كىردى»، - دەلىنگەن وزبەكستان ت ج م حابارلاماسىندا.
وزبەكستان ت ج م مالىمەتتەرىنە قاراعاندا، كوميسسياعا قازاقستان وكىلدەرىمەن بىرلەسە وتىرىپ، اپاتتىڭ تۋىنداۋ سەبەپتەرىن ايقىنداۋ، ەل ازاماتتارىنىڭ تۇلعاسىن تانۋ بويىنشا شارالاردى جۇرگىزۋ مىندەتتەرى جۇكتەلگەن.
ەسكە سالايىق، توتەنشە جاعداي اقتوبەدەن 320 شاقىرىم قاشىقتىقتا قالىباي كەنتىنەن 10 شاقىرىم جەردە «سامارا- شىمكەنت» تاسجولىندا بولعان.
جەدەل شتابتا بەلگىلى بولعانداي، اۆتوبۋس جولاۋشىلارى وزبەكستاننان رەسەيگە كۇنكورىس قامىمەن بارا جاتقان. وندا وزبەكستاننىڭ 54 ازاماتى مەن 3 قازاقستاندىق بولعان. اۆتوبۋستا شىققان ءورت سالدارىنان 52 وزبەكستاندىق قازا تاپتى. ءتىرى قالعانداردىڭ اراسىندا 3 قازاقستاندىق جانە 2 وزبەكستاندىق بار. ولاردى جەڭىل دەڭگەيدە كۇيىك شالعان. وقيعانىڭ ءمان- جايى تەرگەۋ امالدارى بارىسىندا انىقتالماق. وسى وقيعاعا بايلانىستى ارناۋلى ۇكىمەتتىك كوميسسيا جاساقتالدى.
