عالىم قانداي ماماندىقتارعا سۇرانىس ارتاتىنىن ايتتى

 استانا. قازاقپارات - ورتالىق كوممۋنيكاتسيالار قىزمەتىندە وتكەن بريفينگتە ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ الەۋمەتتىك- ەكونوميكالىق زەرتتەۋلەر ءبولىمىنىڭ باسشىسى، ءا. ع. د. , پروفەسسور ءلاززات نۇرقاتوۆا جاڭا تەحنولوگيادارىڭ ىقپالىمەن الداعى ۋاقىتتا كەيبىر ماماندىقتىڭ نارىقتان جوعالىپ كەتەتىنىن ايتتى.

«قازىرگى تاڭدا جاڭا تەندەنتسيا بايقالۋدا. تەحنولوگيالاردىڭ ىقپالىمەن كەي ماماندىق ءوز ماڭىزدىلىعىن تومەندەتىپ قانا قويماي، نارىقتان جوعالىپ كەتەدى. سوندىقتان مامانداردى جۇمىسقا قابىلداۋ بارىسىندا ولاردىڭ ەڭبەك ونىمدىلىگىنە باسا ءمان بەرىلەدى. سونداي- اق، الداعى ۋاقىتتا اۋقىمدى دەرەكتەردى وڭدەپ، باعدارلاما جاسايتىن جانە IT ءارى روبوتوتەحنيكا سالاسىنداعى ماماندارعا سۇرانىس ارتادى. «Life long learning» كونتسەپتسياسىنىڭ ماڭىزدىلىعى ارتا تۇسەدى. ياعني بولاشاقتا ماماندار ءوز بىلىمدەرىن ۇنەمى جەتىلدىرىپ وتىرۋى ءتيىس» ، - دەپ تۇيىندەدى ءسوزىن عالىم.

ايتا كەتەيىك، اتالعان بريفينگ ەلباسىنىڭ قازاقستان حالقىنا ارناعان جولداۋىن ءتۇسىندىرۋ ماقساتىندا ۇيىمداستىرىلدى.

داۋرەن ەربولات

Baq.kz