10:41, 18 - قاڭتار 2018 | GMT +5
شۆەتسيادا جارىلىس بولدى
استانا. قازاقپارات - شۆەتسيانىڭ مالمە قالاسىنىڭ پوليتسيا بولىمشەسى ماڭىندا قاتتى جارىلىس بولدى.
وقيعادان ەشكىم زارداپ شەككەن جوق، دەپ حابارلايدى ر ي ا نوۆوستي جەرگىلىكتى Sydsvenskan باسىلىمىنا سىلتەمە جاساپ.
وقيعا تۋرالى اقپارات جەرگىلىكتى ۋاقىتپەن ساعات 23:00 دە تۇسكەن. كۋاگەرلەردىڭ ايتۋىنشا، جارىلىس قاتتى بولعان. ەشكىم زارداپ شەككەن جوق. بۇلىنگەن اۆتوموبيلدەر تۋرالى مالىمەت بار، ءبىراق ازىرگە ناقتى سانى ايتىلمايدى.
جارىلىس اۋماعى قورشاۋعا الىنىپ، وقيعا ورنىندا ارنايى ماماندار جۇمىس ىستەپ جاتىر.
وقيعادان كەيىن پوليتسيا كۇدىكتى ادامدى قولعا ءتۇسىردى. ونىڭ قازىر جارىلىسقا قانشالىقتى قاتىسى بار ەكەندىگى انىقتالۋ ۇستىندە.
