تۇركيادا اسكەري- تاسىمالداۋشى ۇشاق اپاتقا ۇشىرادى

استانا. قازاقپارات - يسپارتا پروۆينتسياسىنداعى ەگيردير كولىنىڭ سولتۇستىگىنەن ۇشاقتىڭ بولشەكتەرى مەن ونىڭ ەكيپاج مۇشەلەرىنىڭ دەنەلەرى تابىلدى، دەپ حابارلايدى انادولى اگەنتتىگى.

«وقۋ-جاتتىعۋعا شىققان CN-235 CASA ۇشاعى ەسكيشەحير پروۆينتسياسىنداعى اەرودرومنان جەرگىلىكتى ۋاقىت بويىنشا ساعات 11:03 تە ۇشىپ شىققان. ۇشاق ەكيپاجى 3 ادامنان تۇراتىن»، - دەپ حابارلادى تۇركيانىڭ اۋە كۇشتەرى باس شتابىنان.

ساعات 14:30 دا ۇشاقتىڭ بولشەكتەرى مەن اسكەري ازاماتتاردىڭ دەنەلەرى يسپارتا پروۆينتسياسىنداعى ەگيردير كولى ماڭىنان تابىلدى.

باس شتاب تۇركيانىڭ قارۋلى كۇشتەرىنە، تۇرىك حالقىنا، مەرت بولعان اسكەريلەردىڭ وتباسىنا كوڭىل ايتتى.