قازاقستاننىڭ باسىم بولىگىندە تۇراقسىز اۋا رايى ساقتالادى

استانا. قازاقپارات - «قازگيدرومەت» ر م ك 18- قاڭتارعا ارنالعان اۋا رايى بولجامىن جاريالادى، دەپ حابارلايدى قازاقپارات.

اتموسفەرالىق اۋا اعىنداردىڭ وتۋىنە بايلانىستى، قازاقستاننىڭ باسىم بولىگىندە تۇراقسىز اۋا رايى ساقتالادى، كەي جەرلەردە قار، بۇرقاسىن بولىپ، جەل كۇشەيەدى.

رەسپۋبليكانىڭ كەي جەرلەرىندە تۇمان كۇتىلەدى. شىعىس قازاقستان، پاۆلودار وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى. شىعىس قازاقستان وبلىسىندا بۇرقاسىن، پاۆلودار وبلىسىندا تۇمان كۇتىلەدى.

اقمولا، ماڭعىستاۋ، وڭتۇستىك قازاقستان، اتىراۋ، باتىس قازاقستان، اقتوبە، قاراعاندى وبلىستارىنىڭ كەي جەرىندە قاتتى جەل سوعىپ، كوكتايعاق بولادى. سولتۇستىك قازاقستان وبلىسىندا تۇندە تۇمان تۇسەدى.