ق ر پرەزيدەنتىنىڭ ا ق ش- قا ساپارى قازاقستان ديپلوماتياسىنىڭ تيىمدىلىگىن كورسەتەدى - ب ۇ ۇ وكىلى
بۇل تۋرالى «قازاقپارات» ح ا ا- ءنىڭ ا ق ش- تاعى ارنايى تىلشىسىنە بەرگەن سۇحباتىندا Science Po فرانسيا ساياسي زەرتتەۋلەر ينستيتۋتىنىڭ پروفەسسورى ب ۇ ۇ ساراپشىسى شاحربانۋ تادجباكش (Shahrbanu Tajbakhsh) ءبىلدىردى.
«قازاقستان پرەزيدەنتى نۇرسۇلتان نازاربايەۆتىڭ ا ق ش- قا ساپارى ماڭىزدى ءارى قازاقستاندىق ديپلوماتيانىڭ بەيبىت تە پراگماتيكالىق جاقتارىن ايقىندايدى. قازاقستان رەسەي، قىتاي سياقتى شاڭحاي ىنتىماقتاستىعى ۇيىمىنا مۇشە مەملەكەتتەردىڭ، ا ق ش پەن ەۋروپالىق وداق سياقتى مەملەكەتتەر مەن ۇيىمداردىڭ جانە يسلام ىنتىماقتاستىعى ۇيىمى سياقتى حالىقارالىق دارەجەدەگى ۇيىمداردىڭ مۇددەلەرى توعىسىپ جاتاتىن قۇرىلىمدار مەن ديالوگ الاڭدارىنىڭ قاتىسۋشىسى رەتىندە كوپكە تانىمال»، - دەدى ول.
ساراپشىنىڭ پىكىرىنشە، قازاقستان كوپتەگەن حالىقارالىق ماسەلەلەردىڭ شەشىمىن تابۋدا كورەگەندىك تانىتىپ ءجۇر.
«قازاقستان پرەزيدەنتى نۇرسۇلتان نازاربايەۆتىڭ ا ق ش- قا ساپارى كروسسوڭىرلىك جانە كروسسەكتورلىق قاۋىپسىزدىك پەن ديپلوماتيا مەن اۋعانستانداعى جاعدايدى رەتتەۋدە بەيبىت ىنتىماقتاستىقتىڭ دامۋىنا سەرپىن بەردى»، - ناقتىلاپ ءوتتى ش. تادجباكش.
