نۇرسۇلتان نازاربايەۆ ب ۇ ۇ- نىڭ قاۋىپسىزدىك كەڭەسىندە ءسوز سويلەيدى
قازاقستاننىڭ سىرتقى ىستەر ءمينيسترى قايرات ءابدىراحمانوۆ «قازاقپارات» ح ا ا تىلشىسىنە قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن بولاتىن قاۋىپسىزدىك كەڭەسى ءماجىلىسىنىڭ تاقىرىبى «جاپپاي قىرىپ-جوياتىن قارۋدى تاراتپاۋ: شارالار مەن سەنىم» دەگەن تاقىرىپپەن وتەتىنىن ايتقان. قازاقستان ءتوراعا رەتىندە اتالعان شارانىڭ تۇجىرىمداماسىن ۇسىندى جانە ونى ق ك- ءنىڭ بارلىق مۇشەلەرى قولدادى. قۇجاتتا «مانيفەست «بەيبىتشىلىك. XXI عاسىر» جانە 2017-جىلدىڭ 6- قاڭتارىنداعى «قازاقستاننىڭ قاۋىپسىز ءادىل، دامىعان الەم ءۇشىن جاھاندىق ارىپتەستىكتى نىعايتۋ جونىندەگى تۇجىرىمدى كوزقاراسى» اتتى ەكى قۇجات نەگىزگە الىنعان.
«مۇنداعى ماقسات جاپپاي قىرىپ- جويۋ قارۋىمەن بايلانىستى وڭىرلىك شيەلەنىستەردىڭ ساياسي شەشىمىن تابۋ بولىپ تابىلادى. بۇل رەتتە تاراتپاۋ شارالارى وزگە دە سەنىم شارالارىمەن قاتار جۇرگىزىلۋى كەرەك»، - دەدى مينيستر.
قازاقستاننىڭ سىرتقى ساياسات ۆەدومستۆوسى باسشىسىنىڭ ايتۋىنشا، دەبات بارىسىندا قىرىپ-جويۋ قارۋىن تاراتپاۋدىڭ ماڭىزدى ماسەلەلەرى ءسوز بولادى. بۇل رەتتە اتالعان ماسەلەلەر سەنىم شارالارىن نىعايتۋ جۇمىستارى اياسىندا قاراستىرىلماق.
ءمينيستردىڭ سوزىنشە، قازاقستان «شيەلەنىستەردىڭ الدىن الۋ»، «تاراتپاۋ»، «سەنىم شارالارى» سياقتى باعىتتاردىڭ ءوزارا ۇيلەسىمدىلىگى اياسىندا اقىل-كەڭەستەر قالىپتاستىرۋعا مۇمكىندىك بەرەتىنىنە ءۇمىت ارتادى.
سونداي-اق شارا تاراتپاۋ باعىتىندا سەنىم شارالارىن نىعايتۋ ءۇشىن حالىقارالىق كەلىسىمدەردى امبەبەپ ەتۋگە ىقپال ەتەدى دەگەن سەنىم بار.
ءمينيستردىڭ سوزىنشە، اڭگىمە يادرولىق قارۋدى تاراتپاۋ كەلىسىمىنە، يادرولىق قارۋ سىناقتارىنا جاپپاي تىيىم سالۋ، بيولوگيالىق جانە ۋ تاراتاتىن قارۋلارعى تىيىم سالاتىن كونۆەنتسيا، حيميالىق جانە وزگە دە قارۋلارعا تىيىم سالاتىن كونۆەنتسياعا قاتىستى بولىپ وتىر.
