بايان- ولگەي حالقىنىڭ سانى ارتىپ كەلەدى

  استانا. قازاقپارات - بايان- ولگەي ايماعىنىڭ حالىق سانى وتكەن جىلعى جەلتوقسان ايىنىڭ كورسەتكىشى بويىنشا 101591 ادامعا جەتكەن.

 بۇل 2016 -جىلمەن سالىستىرعاندا 2245 ادامعا نەمەسە 2,3 پايىزعا كوپ، دەپ حابارلايدى Baq.kz اقپارات اگەنتتىگى.

بۇل تۋرالى جەرگىلىكتى موڭعول تىلىندەگى مونتسامە پورتالى مالىمدەدى.

1000 تۇرعىنعا شاققانداعى تۋۋ كورسەتكىشى 28 پايىزعا جەتىپ، 0,3 پايىزعا دەيىن جوعارىلادى، ال قازا بولعاندار سانى 4,4 پايىزدان 0,7 پايىزعا دەيىن ازايىپ، قالىپتى ءوسىم 0,5 پايىزدىق ءوسىمدى كورسەتىپ، جالپى العاندا 23,6 عا جەتتى.

ايماق بويىنشا 9322 ادام تۇراتىن سەنگەل سۇمىنى (اۋدانى - رەد. ) العاشقى ورىندا بولسا، 2814 ادام ءومىر ءسۇرىپ جاتقان التانتسوگتس اۋدانى ەڭ حالقى از سۇمىن رەتىندە تىركەلدى.

ال بايان- ولگەي ايماعىنىڭ ورتالىعى - ولگي قالاسىنىڭ حالىق سانى 1111 ادامعا كوبەيىپ، 35118 ادامعا جەتكەن.

ايماق حالقىنىڭ 58,8 پايىزى - 16-59 جاس ارالىعىنداعى ەڭبەككە جارامدى ازامات.