عالىمدار ءتىس اۋرۋلارىنىڭ الدىن الاتىن سۋسىن ءتۇرىن اتادى

 استانا. قازاقپارات - كانادالىق دارىگەرلەر ءتىس اۋرۋلارىن الدىن الۋدىڭ ءتيىمدى ءادىسىن تاپتى. اۋىزدى تۇراقتى تۇردە قىمىزبەن تازارتۋ ءتىستىڭ بۇزىلۋىنان ساقتايدى.

 تورونتو ۋنيۆەرسيتەتىنىڭ عالىمدارى ءارتۇرلى اۋىز قۋىسىنا قاراپايىم سۋدان باستاپ جەمىس شىرىنىنا دەيىن قۇيىپ تاجىريبە جاسادى.

ناتيجەسىندە، قۇرامىندا قۋاتتى باكتەريتسيدتىك قاسيەتى بار ءسۇت ونىمدەرى پايدالى ەكەنى انىقتالدى. ولار بىرنەشە رەت ءسۇت ونىمدەرىمەن ءتىستى جۋعاندا ءتىس ءەمالى سول كۇيىندە ساقتالعان. دەگەنمەن، ءتىس ءۇشىن جىلقى سۇتىنە قاراعاندا سيىر ءسۇتىنىڭ اسەرى از بايقالدى. عالىمدار زەرتتەي كەلە، تىسكە قىمىزدىڭ پايداسى زور ەكەنىن دالەلدەى.

سونىمەن قاتار، عالىمدار ءسۇت ونىمدەرى ىشىنەن: بيە ءسۇتىن، تۇيە، بۇعى ءسۇتىن بولاشاقتا سۋسىن رەتىندە عانا ەمەس، بولاشاقتا كەدەي مەملەكەتتەردىڭ حالقىن تاماقتاندىراتىن بىردەن- ءبىر تاعام بولاتىنىن ايتتى.