مينيسترلىكتەن سەرتيفيكات الىپ، جاڭا كولىك ساتىپ ال
ەسكى كولىكتەردى جويۋ ماقساتىندا ساتىپ الۋ باعدارلاماسى 2017 -جىلى باستالعان بولاتىن.
قازاقستان اۆتوبيزنەسى قاۋىمداستىعىنىڭ ۆيتسە- پرەزيدەنتى انار ماقاشيەۆانىڭ ايتۋىنشا، ەندى قازاقستاندىقتار ەسكى كولىكتەرىن ءتيىمدى ساتا الاتىن بولدى.
سونىمەن قاتار، قازاقستاندىقتارعا جاڭا كولىك ساتىپ الۋ ءۇشىن جەڭىلدىك سەرتيفيكاتى بەرىلمەك.
وندىرۋشىلەردىڭ كەڭەيتىلگەن مىندەتتەمەلەرى (و ك م) وپەراتورىنىڭ حابارلاۋىنشا، وتكەن جىلى 8 مىڭ اۆتوكولىك وتكىزىلىپ، جەڭىلدىك سەرتيفيكاتتارى تابىستالدى. 5 مىڭ سەرتيفيكات پايدالانىلىپ، 3 مىڭ اۆتوكولىك ساتىپ الىنعان.
«كوبىنەسە جەڭىل كولىكتەر ساتىپ الىنۋدا. زاڭدى تۇلعالار دا قىزىعۋشىلىق تانىتادى دەپ ۇمىتتەنەمىز. كولىكتى وتكىزگەننەن كەيىن نە بولادى؟ ءوندىرىس كەزەڭىنە اككۋمۋلياتورلار مەن شينالار كەتەدى. سوسىن جويىلاتىن كولىكتەرگە برەكەت قويىلادى. بۇل زاۋىت 2017 -جىلى قاراعاندىدا اشىلدى. 6 - جەلتوقساننان باستاپ ىسكە قوسىلدى. مۇنىمەن جەكەمەنشىك كومپانيا اينالىسادى» ، - دەدى «و ك م» وپەراتورى ج ش س ساتۋ ءبولىمىنىڭ جەتەكشىسى رىسگۇل ەسداۋلەتوۆا.
ستاتيستيكا بويىنشا، كوبىنەسە ۆاز 2101 (07) ماركاسى جويۋعا وتكىزىلىپ جاتىر. ەڭ كونە كولىك 1946 -جىلى شىعارىلعان ەكەن.
باعدارلاما اياسىندا تولىق جيناقتالماعان كولىك وتكىزگەن ادامعا 48000 تەڭگە كولەمىندە وتەماقى تولەنەدى. تولىق وتكىزىلگەن كولىككە 150000 تەڭگە تولەنەدى.
سونىمەن قاتار، ق ر ەنەرگەتيكا مينيسترلىگى وتاندىق كولىكتەردى ساتىپ الۋعا ارنايى جەڭىلدىك سەرتيفيكاتىن تاراتىپ جاتىر.
جەڭىل كولىك الاتىندارعا 315000 تەڭگە، اۆتوبۋس الاتىندارعا - 450000 تەڭگە، جۇك كولىگىن الاتىندارعا 650 مىڭ تەڭگە كولەمىندە جەڭىلدىك بەرىلەدى.
