ارىقتاۋدىڭ ەڭ قاۋىپسىز جولى تابىلدى

 استانا. قازاقپارات - يزرايل عالىمدارى ديەتامەن ارىقتاعاندارعا قاراعاندا، ارتىق سالماعىن وتا جاساۋ ارقىلى ازايتقاندار ءۇشىن ەرتە ءولىم قاۋپى تومەن بولاتىنىن مالىمدەدى .

بۇل تۋرالى Journal of the American Medical Association جۋرنالىنا جاريالاندى، دەپ حابارلايدى  Вaq.kz اقپارات اگەنتتىگى lenta.ru باسىلىمىنا سىلتەمە جاساپ.

زەرتتەۋگە  8385 ادام سىرتتاي قاتىستى. ولارعا 2005-2014 -جىلدار ارالىعىندا ارتىق سالماقتان قۇتىلۋ ءۇشىن ءتۇرلى وتا جاسالدى. ونىڭ ىشىندە لاپاروسكوپيالىق وتا دا بار.

بۇدان باسقا، ماماندار ارتىق سالماعى بار 25 مىڭ ادامنىڭ دەنساۋلىعىنا باقىلاۋ جۇرگىزدى. ولار ديەتا مەن سالاۋاتتى ءومىر ءسۇرۋ سالتى ارقىلى سالماق تاستاۋعا تىرىسقان.

عالىمدار ەكى توپتىڭ قاتىسۋشىلارىنىڭ ءولىم دەڭگەيىن سالىستىردى. سويتسە، ءتورت جارىم جىل ىشىندە حيرۋرگيالىق جولمەن ارىقتاماعاندارعا قاراعاندا، وتا جاساعانداردىڭ قايتىس بولۋ قاۋپى تومەن بولىپ شىقتى.