تۇزدىڭ تاعى ءبىر قاۋپى انىقتالدى

 استانا. قازاقپارات - امەريكالىق عالىمدار تاماق ىشكەندە تۇزدى ءجيى پايدالانۋ ىشەكتەردىڭ جۇمىسىن بۇزاتىنىن انىقتادى.

سونداي- اق، ول ادامنىڭ تانىمدىق دەڭگەيىنىڭ شەكتەلۋىنە اكەپ سوعۋى مۇمكىن. زەرتتەۋ ماتەريالى Nature Neuroscience باسىلىمىندا جاريالاندى.

ماماندار ءۇش اپتا بويى ۇزدىكسىز تۇزدى قولدانۋ ەندوتەليي جاسۋشاسىنىڭ جۇمىسىن ناشارلاتىپ، ميداعى قان اعىمىن ازايتىپ، تانىمدىق دامۋدى شەكتەيدى، تەك قان قىسىمىنا اسەر ەتپەيدى دەگەن مالىمدەمە جاسادى.

تۇزى كوپ ديەتا ىشەكتەگى ت- حەلپەروۆ 17 جاسۋشالاردىڭ جانە ينتەرگەكين-17 مولەكۋلاسىنىڭ سانىن كوبەيتەدى. عالىمداردىڭ ايتۋىنشا، قان اعىمىندا ينتەرلەيكين-17 قۇرامىنىڭ ءوسۋى ميداعى قان اينالىمىنا كەرى اسەر ەتەدى.

زەرتتەۋشىلەر مۇنداي قورىتىندىنى تىشقاندارعا جاساعان ساراپتاماسىنان كەيىن شىعاردى. الىنعان ناتيجە ادامدارعا دا سايكەس كەلەدى. كەمىرگىشتەر دۇرىس تاماقتانۋ رەجيمىنە اۋىسقان كەزدە تۇزى كوپ ديەتا ءوز اسەرىن جوعالتپاعان.

سوندىقتان دۇنيەجۇزىلىك دەنساۋلىق ساقتاۋ ۇيىمى كۇنىنە بەس گرامنان ارتىق تۇز قولدانباۋعا كەڭەس بەرەدى. ەگەر ءار ادام ءدال وسىنداي كورسەتكىشكە جەتسە، وندا جىل سايىن 2,5 ميلليون ادامنىڭ ءومىرىن قۇتقارىپ قالۋعا بولادى.

ۇيىمنىڭ اقپاراتىنا سۇيەنسەك، الەمدەگى ادامداردىڭ جارتىسىنان كوبى ناتري حلوريدىن 80-140 پايىز ارتىق قولدانادى. ارتىق تۇز اعزاعا كوبىنە نانمەن، قۇرعاق تاڭعى اسپەن جانە دايىن اسپەن تاماقتانعان كەزدە تۇسەدى.