وزبەكستاندا حالىق سانى ءبىر جىلدىڭ ىشىندە جارتى ميلليونعا كوبەيگەن

استانا. قازاقپارات - 2017 - جىلى وزبەكستاننىڭ حالىق سانى جارتى ميلليون ادامعا ءوسىپ، 2018 - جىلدىڭ باسىندا 32 ميلليون 653 مىڭ ادامعا جەتكەن، دەپ حابارلايدى «قازاقپارات» ح ا ا ءو ر مەملەكەتتىك ستاتيستيكا كوميتەتىنە سىلتەمە جاساپ.

اتاپ ايتقاندا، 2018 -جىلدىڭ 1- قاڭتارىنداعى جاعداي بويىنشا وزبەكستاننىڭ تۇراقتى حالىق سانى 32 ميلليون 653,9 مىڭ ادامدى قۇراعان جانە 2017 -جىلى 533,4 مىڭ ادامعا (%1,7) كوبەيگەن.

قالاداعى حالىق سانى 16 ميلليون 533,9 مىڭ ادام (نەمەسە % 50,6)، اۋىل حالقىنىڭ سانى 16 ميلليون 120 مىڭ ادام (%49,4) بولعان.

 وزبەكستانداعى حالىق سانى كوپ شوعىرلانعان ءوڭىرى سامارقاند وبلىسى (3719,6 مىڭ ادام) بولىپ تانىلدى. ودان كەيىن فەرعانا - 3620,1 مىڭ، قاشقاداريا - 3148,1 مىڭ جانە ءاندىجان - 3011,6 مىڭ ادام.