ق ر پرەزيدەنتى مەن ساۋد ارابياسىنىڭ كورولى الەمدىك مۇناي نارىعىنداعى احۋال جونىندە پىكىر الماستى
مەملەكەتتەر باسشىلارى اڭگىمە بارىسىندا الەمدىك مۇناي نارىعىنداعى قازىرگى احۋال جونىندە پىكىر الماسىپ، نۇرسۇلتان نازاربايەۆتىڭ 2016 -جىلعى قازان ايىنداعى ساۋد ارابياسىنا رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ورىندالۋ بارىسىن تالقىلادى.
ساۋد ارابياسىنىڭ كورولى ەكىجاقتى قارىم- قاتىناستىڭ دامۋىنا ەرەكشە ءمان بەرەتىنىن ايتىپ، ساۋديالىق كومپانيالارعا قازاقستانداعى مۇناي جانە گاز وڭدەۋگە ارنالعان جوبالاردى جۇزەگە اسىرۋعا اتسالىسۋ جونىندە تاپسىرما بەرۋگە نيەتتى ەكەنىن اتاپ ءوتتى.
سونىمەن قاتار، سالمان بەن ابدەل ءازيز ءال ساۋد قازاقستان پرەزيدەنتىن استاناداعى «ەكسپو-2017» حالىقارالىق كورمەسىنىڭ جانە يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءبىرىنشى سامميتىنىڭ تابىستى وتۋىمەن قۇتتىقتادى.
سونداي- اق، ەكى ەل باسشىلارى ءوزارا ساپار جاساۋ تاجىريبەسىن جالعاستىرۋ جونىندە ۋاعدالاستى.
تەلەفون ارقىلى سويلەسۋگە ساۋد ارابياسى جاعى باستاماشى بولدى.
