استانادا «سامۇرىق-قازىنا» ۇ ءا ق باسقارما ءتوراعاسىنىڭ ورىنباسارى تاعايىندالدى

استانا. قازاقپارات - «سامۇرىق-قازىنا» ۇلتتىق ءال-اۋقات قورى» ا ق باسقارما ءتوراعاسىنىڭ ورىنباسارى بولىپ اليك ايداربايەۆ تاعايىندالدى، دەپ حابارلايدى «قازاقپارات» ح ا ا ءتىلشىسى.

«سامۇرىق-قازىنا» ۇ ءا ق باسپا ءسوز قىزمەتى اليك ايداربايەۆتىڭ تاعايىندالعانى تۋرالى اقپاراتتى راستادى.

سونىمەن بىرگە، باسپا ءسوز قىزمەتى «سامۇرىق-قازىنا» ۇ ءا ق» ا ق- نىڭ جاڭا قۇرىلىمى بەكىتىلگەنىن حابارلادى. جاڭا قۇرىلىمعا سايكەس، باسقارۋشى ديرەكتورلار سانى 10 نان 5 كە دەيىن، دەپارتامەنتتەر مەن قۇرىلىمدىق بولىمشەلەردىڭ سانى 37 دەن 27 گە دەيىن قىسقاردى. باسقارما ءتوراعاسىنىڭ ورىنباسارى قىزمەتىنە ءبىر شتاتتىق بىرلىك ەنگىزىلدى.

«قۇرىلىمعا وزگەرىستەر ەنگىزۋ -باسقارۋدىڭ وڭتايلىلىعىن جانە تيىمدىلىگىن ارتتىرۋ، «سامۇرىق-قازىنا» ۇ ءا ق ترانسفورماتسياسى پروتسەسىنە تەرەڭ ءۇڭىلۋ، اكتيۆتەردى باسقارۋدا ساتىلى قۇرىلىم ەنگىزۋ جانە قور قۇرامىنا كىرەتىن ۇلتتىق كومپانيالاردىڭ ەكونوميكالىق تيىمدىلىگىن ارتتىرۋ مىندەتتەمەلەرى اياسىندا قاجەت بولدى»، - دەلىنگەن باسپا ءسوز حابارلاماسىندا.

جاڭا قۇرىلىمنىڭ جۇمىسى وسى جىلدىڭ 11- قاڭتارىنان باستالدى.

55 جاستاعى اليك ايداربايەۆ ءار جىلدارى «وڭتۇستىك قاز مۇناي گاز» مەملەكەتتىك اكسيونەرلىك قوعامىندا باس ديرەكتور ورىنباسارى، ۆيتسە-پرەزيدەنت، «قۇمكول- لۋكويل» كومپانياسىنىڭ، «ماڭعىستاۋ مۇناي گاز» ا ق- نىڭ باس ديرەكتورى، «قاز مۇناي گاز» ۇ ك» ا ق- نىڭ ءوندىرۋ بويىنشا اتقارۋشى ديرەكتورى قىزمەتتەرىن اتقارعان.

2011-2013 -جىلدارى «قاز مۇناي گاز» بارلاۋ ءوندىرۋ» ا ق باس ديرەكتورى بولعان. 2013-جىلدىڭ 22- قاڭتارىنان باستاپ اليك ايداربايەۆ ماڭعىستاۋ وبلىسىنىڭ اكىمى لاۋازىمىندا ەڭبەك ەتكەن.

2017-جىلدىڭ ناۋرىزىندا ق ر ينۆەستيتسيالار جانە دامۋ ۆيتسە-ءمينيسترى بولىپ تاعايىندالدى.

اۆتور: ايان بەكەن ۇلى