ەلباسىنىڭ ا ق ش- قا العاشقى ساپارىنىڭ ارحيۆتەگى ۆيدەوسى جاريالاندى - كەسكىن
«ەلباسى نۇرسۇلتان نازاربايەۆتىڭ ا ق ش- قا رەسمي ساپارىنىڭ الدىندا ق ر پرەزيدەنتى تەلەراديوكەشەنى سىزدەر ءۇشىن مەمەكەت باسشىسىنىڭ امەريكا قۇراما شتاتتارىنا العاشقى ساپارىنان ۆيدەوماتەريال ازىرلەدى.
ەستەرىڭىزگە سالا كەتەيىك، 1992-جىلى ەلباسى ءبىرقاتار كەلىسىمدەرگە قول قويعان ەدى. ول كەيىن ەل ەكونوميكاسىنىڭ قارىشتاپ دامۋىنا سەپتىگىن تيگىزگەن بولاتىن»، - دەلىنگەن حابارلامادا.
بۇعان دەيىن دە اقوردانىڭ باسپا ءسوز قىزمەتى مەملەكەت باسشىسىنىڭ 1992-جىلى مامىر ايىندا ا ق ش- قا جاساعان تۇڭعىش ساپارىنان بەينەماتەريال جاريالاعان بولاتىن. وندا نۇرسۇلتان نازاربايەۆ ۇلكەن دجوردج بۋشپەن قازاقستاننىڭ العاشقى ينۆەستورلارىنىڭ ءبىرى - «شيەۆرون» كومپانياسىمەن كەلىسىمگە قول قويۋ ماسەلەسىن تالقىلاپ وتىرعانى بەينەلەنگەن.
ەسكە سالا كەتەيىك، قازاقستان پرەزيدەنتى بيىلعى 16-18- قاڭتاردا امەريكا قۇراما شتاتتارىنا رەسمي ساپارمەن بارادى. وندا نۇرسۇلتان نازاربايەۆ ا ق ش پرەزيدەنتى دونالد ترامپپەن، سونداي-اق ا ق ش- تىڭ رەسمي جانە ىسكەر توپتار وكىلدەرىمەن كەزدەسۋ وتكىزەدى دەپ جوسپارلانىپ وتىر.
سونداي-اق، مەملەكەت باسشىسى ساپار اياسىندا ب ۇ ۇ قاۋىپسىزدىك كەڭەسىنىڭ وتىرىسىنا قاتىسادى.
