ا ق ش ەلشىسى بۇدان ارى پرەزيدەنتكە قىزمەت ەتە المايتىنىن ايتتى
بۇل تۋرالى حابارلاعان Reuters اگەنتتىگى ديپلوماتتىڭ ءسوزىن كەلتىرگەن.
«ديپلوماتيالىق قىزمەتكەر رەتىندە مەن پرەزيدەنت پەن ونىڭ اكىمشىلىگىنە ساياسي كوزقاراسىما قاراماستان، ءتىپتى باسشىلىقتىڭ كەي ساياسي قادامدارىمەن كەلىسپەسەم دە ادال قىزمەت ەتۋگە انت قابىلداعام. جەتەكشىلەرىم ماعان ەگەر الگىندەي قىزمەت اتقارا المايتىن بولسام، وندا ابىرويمەن وتستاۆكاعا كەتۋىم دۇرىس بولاتىنىن ايقىن ۇقتىرعان. سول ۋاقىت كەلدى» دەلىنگەن ديپلوماتتىڭ حاتتىندا.
ا ق ش مەملەكەتتىك دەپارتامەنتىنىڭ وكىلى فيليدىڭ جۇمىستان كەتەتىنى تۋرالى اقپاراتتى راستاعان جانە ونىڭ ءوز شەشىمى جونىندە اق ءۇي مەن پاناما ۇكىمەتىن حاباردار ەتكەنىن ايتقان. مەملەكەتتىك دەپارتامەنت وكىلى ديپلومات «جەكە سەبەپتەرگە» بايلانىستى شەشىم قابىلداعان دەپ تۇسىندىرگەن. ونىڭ حابارلاۋىنشا، دجون فيلي ناۋرىزدىڭ 9 ىندا قىزمەتىنەن بوساتىلادى.
ا ق ش مەملەكەتتىك حاتشىسىنىڭ كومەكشىسى ستيۆ گولدشتەين قاڭتاردىڭ 12 ءى كۇنى فيليدىڭ وتستاۆكاسى پرەزيدەنت دونالد ترامپتىڭ كەي مەملەكەتتەردىڭ اتىنا ايتقان سوزدەرىمەن بايلانىستى ەمەس دەپ مالىمدەگەن. گولدشتەين ەلشى فيليدىڭ وتستاۆكاعا كەتەتىنى تۋرالى پرەزيدەنتتىڭ الگى سوزىنەن ءبىر كۇن بۇرىن حاباردار بولعانىن، ونىڭ «ءوز ەركىمەن» قىزمەتتەن كەتۋ شەشىمىنە تۇسىنىستك تانىتاتىنىن ايتادى.
بۇنىڭ الدىندا پرەزيدەنت ترامپ گايتي مەن افريكاداعى كەي دامۋشى ەلدەردەن كەلەتىن ميگرانتتارعا قاتىستى ايتقان ءسوزى ءۇشىن سىنعا قالعان. باسپا ءسوز قۇرالدارى پرەزيدەنت دورەكى ءسوز ارالاستىرىپ سويلەدى دەپ حابارلاعان. كەيىن ترامپ ميگرانتتاردىڭ كەلۋىنە قارسىلىق بىلدىرگەنىمەن، دورەكى ءسوز قولدانباعانىن مالىمدەگەن.
