اقان ساتايەۆ پرەزيدەنت تۋرالى ءتۇسىرىلىپ جاتقان فيلمنىڭ كادرلارىمەن ءبولىستى

استانا. قازاقپارات - تانىمال قازاقستاندىق كينورەجيسسەر اقان ساتايەۆ ءوزىنىڭ ينستاگرام پاراقشاسىندا قازاقستان پرەزيدەنتى تۋرالى ءتۇسىرىلىپ جاتقان كينو ەپوپەيانىڭ كادرلارىمەن ءبولىستى، دەپ حابارلايدى قازاقپارات.

كادرلاردا ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ پەن ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ كەلگەنى تۇسىرىلگەن.

 «ءبىزدىڭ «كوشباسشى جولى. استانا» فيلمىنىڭ ءتۇسىرىلىم الاڭىنا كەشە ق ر پرەزيدەنتى اكىمشىلىگىنىڭ باسشىسى ادىلبەك رىسكەلدى ۇلى جاقسىبەكوۆ كەلىپ كەتتى. ول اتالعان جوبانىڭ كۋراتورى ءارى اۆتورلارىنىڭ ءبىرى. سونىمەن بىرگە، ءتۇسىرىلىم الاڭىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى بولدى»، - دەپ جازدى رەجيسسەر ينستاگرام پاراقشاسىندا.

«كوشباسشى جول» كينوەپوپەياسى نۇرسۇلتان نازاربايەۆتىڭ ءومىرى مەن ەڭبەگى تۋرالى بىرنەشە دەرەكتى فيلمنەن تۇرادى.

اۆتور: ايان بەكەن ۇلى