بوراننان ەلورداعا قانداي شىعىن كەلدى
«كەشە اۋا رايىنىڭ قولايسىزدىعىنا بايلانىستى استانا قالاسىنىڭ اكىمى اسەت يسەكەشيەۆ توتەنشە جاعداي جاريالاعان بولاتىن. جاريالانعان توتەنشە جاعداي بۇگىن توقتاتىلدى. استانا قالاسى بويىنشا 26 تۇرعىن ءۇي كەشەنى زاقىمداندى. اتاپ ايتقاندا، الماتى اۋدانىندا 4, سارىارقا اۋدانىندا 8 جانە ەسىل اۋدانىندا 14 تۇرعىن ۇيگە زاقىم كەلدى. ياعني قاسبەتتەرى ۇشىپ، تەرەزەلەرى سىنعان» ، - دەدى ول.
ە. جۇرگەنبايەۆانىڭ سوزىنە قاراعاندا، بوران سالدارىنان 4 مەكتەپ، 3 بالاباقشا ايتارلىقتاي بۇلىنگەن. سونىمەن قاتار س. سەيفۋلين اتىنداعى قازاق اگروتتەحنيكالىق ۋنيۆەرسيتەتىنىڭ شاتىرى جارتىلاي ۇشىپ كەتىپ، ءبىراز شىعىن كەلتىرگەن.
«قازىرگى ۋاقىتتا شىعىنداردى ورنىنا كەلتىرۋ جۇمىستارى جۇرگىزىلۋدە. مۇنان بولەك 16 ايالداما ءبۇلىنىپ، 131 باعدارشام ورنىنان قوزعالىپ كەتتى. پاتەر يەلەرى كووپەراتيۆتەرىمەن جانە تۇرعىندارمەن اۋدان اكىمدەرى تىعىز جۇمىس جاساۋدا. كەلتىرىلگەن شىعىندار ەسەپتەلۋدە» ، - دەدى ەلوردا اكىمىنىڭ باسپا ءسوز حاتشىسى.
ونىڭ دەرەگىنشە، 2 كۇننىڭ ىشىندە 82 مىڭ تەكشە مەتر قار قالا سىرتىنا شىعارىلدى. قار تازالاۋ جۇمىستارىنا 2 مىڭنان استام جۇمىسشى، 2600 ارنايى تەحنيكا جۇمىلدىرىلدى.
