داۋرەن ابايەۆ: قازاقستاندىقتار «سيفرلىق قازاقستان» قىزمەتىن پايدالانۋدى ۇيرەنۋى كەرەك

استانا. قازاقپارات - ق ر اقپارات جانە كومۋنيكاتسيالار ءمينيسترى داۋرەن ابايەۆ حالىق ءۇشىن «سيفرلىق قازاقستان» باعدارلاماسىنىڭ قىزمەتىن پايدالانۋدىڭ ماڭىزى زور ەكەنىن ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«ەلەكتروندى ۇكىمەت پەن «سيفرلىق قازاقستان» سەكىلدى باعدارلامالاردىڭ كومەگىمەن ازاماتتاردىڭ وزدەرى-اق انىقتاما الا الاتىنداي جولدى ۇيرەتە ءبىلۋىمىز كەرەك. بۇل كرەاتيۆتى قوعام قۇرۋعا سەپتىگىن تيگىزەدى - ادامدار وزدەرى-اق «سيفرلىق قازاقستان» باعدارلاماسىنىڭ قىزمەتىن قولدانا الار ەدى»، - دەدى داۋرەن ابايەۆ استاناداعى ميگراتسيالىق  ح ق ك و- ىنىڭ اشىلۋ سالتاناتىندا.

مينيستر ءوز سوزىندە مۇنداعى باستى ماقسات ازاماتتاردىڭ سيفرلىق قابىلەتىن كوتەرىپ، وزدەرىنە كەرەكتى قۇجاتتى الا ءبىلۋ مۇمكىندىگىن جولعا قويۋ ەكەنىن ءمالىم ەتتى. 2017-جىلى حالىققا قىزمەت كورسەتۋ ورتالىقتارى 37 ميلليونعا جۋىق ادامعا قىزمەت كورسەتتى. سونىڭ ىشىندە 24 ميلليونعا جۋىعى ەلەكتروندى قۇجاتتاردى قولداندى. بۇل باعىتقا جىلدان جىلعا سۇرانىس كوبەيىپ كەلە جاتىر. سوندىقتان، وسىنداي سيفرلىق ح ك ق و- نى ءار قالادا اشۋعا وزىمىزگە تالاپ قويا ءبىلۋىمىز كەرەك»، - دەدى مينيستر.

داۋرەن ابايەۆتىڭ ايتۋىنشا، وسى سالاعا قاتىستى بارلىق قۇرىلىم ادامداردىڭ وزدەرى كەرەكتى قىزمەتتەردى قولدانا الاتىنداي جاعداي جاساۋدى كوزدەيدى.

«وسىنداي سيفرلىق ح ق ك و- نى ارقىلى ءبىز حالىقتى وسى سالاعا ۇيرەتەتىن بولامىز. بۇگىنگى كۇنى، مىنەكەي، ءبىز ميگراتسيالىق ح ق ك و- عا كەلىپ وتىرمىز. ءبىر عانا مىسال كەلتىرە كەتەيىن: بۇرىن شەتەلدىك ازاماتتىڭ قازاقستاندا ەڭبەك ەتۋى ءۇشىن قاجەتتى قۇجاتتاردى جيناۋ ءۇشىن 5 كۇن كەتەتىن. ياعني، شەتەلدىك ازاماتتىڭ الدىندا كەدەرگىلەر كوپ ەدى. ال قازىر، كەدەرگىسىز ميگراتسيالىق ح ق ك و- نى اشتىق. دەمەك، بۇدان بىلاي شەتەلدىك ازاماتتار بارلىق قۇجات جۇمىستارىن ءبىر عانا جەردە، ياعني وسىندا بىتىرەدى. وسى ح ك ق و ارقىلى شەتەلدىك ازاماتتار قۇجات جۇمىستارىن بۇرىنعىداي 5 كۇن ەمەس، 1-2 ساعاتتىڭ ىشىندە شەشەتىن بولادى»، - دەيدى داۋرەن ابايەۆ.

ول سونىمەن بىرگە، ميگراتسيالىق حقكو- نىڭ بۇرىنعى جۇمىس رەتى شەتەلدەن ينۆەستيتسيا تارتۋدا كەدەرگى كەلتىرىپ كەلگەنىن اتاپ ءوتتى.

«جۇمىس بەرۋشىلەر ۇلكەن كەدەرگىلەرگە تاپ بولاتىندىقتان، ياعني بەس كۇندىك قۇجات جۇمىسىنىڭ اۋرەسىنەن شەتەلدىكتەردى جۇمىسقا اكەلۋدەن قورقاتىن ەدى. بۇگىنگى جاسالىپ جاتقان قادام ءبىزدىڭ ينۆەستيتسيالىق تارتىمدىلىعىمىزدى ارتتىرىپ، ەلىمىزگە كەلەتىن تۋريستەردىڭ سانىن ارتتىرادى دەگەن ۇمىتتەمىن»، - دەيدى مينيستر.

ەسكە سالا كەتسەك، مەملەكەت باسشىسى قازاقستان حالقىنا جولداۋىندا «سيفرلىق قازاقستان» مەملەكەتتىك باعدارلاماسىن جۇزەگە اسىرۋدىڭ ماڭىزدىلىعىنا توقتالعان بولاتىن.

«ءبىر تەرەزە» قاعيداتى بويىنشا بيزنەسكە مەملەكەتتىك قولداۋ كورسەتۋدە پروتسەسستەردىڭ سيفرلاندىرىلۋىن قامتاماسىز ەتۋ كەرەك»، دەگەن پرەزيدەنت ءوز جولداۋىندا.

اۆتور: ايان بەكەن ۇلى