جىلىنا ءبىر رەت قانا جۋىناتىن ايەلىن كۇيەۋى تاستاپ كەتتى
ول ءوزى كەزىندە ءسۇيىپ قوسىلعان جارىمەن بىرگە تۇرۋ مۇمكىن ەمەس ەكەنىن مالىمدەدى. ونىڭ ايتۋىنشا ايەلى جىلىنا تەك ءبىر رەت قانا جۋىنادى ەكەن، دەپ حابارلايدى The Taipei Times.
سونىمەن قاتار ول ايەلىنىڭ تىستەرىن تازالامايتىندىعىن، جانە شاشىن ۇنەمى جۋىپ تۇرۋدان باس تارتقانىن ايتىپ شاعىمداندى. سوندىقتان، ەرلى-زايىپتىلار جىلىنا ءبىر رەت قانا جىنىستىق قاتىناسقا تۇسكەن (تەك ايەلى ۆاننادان جۋىنىپ شىققاننان كەيىن بولۋى مۇمكىن). كۇيەۋىنىڭ ايتۋىنشا، بۇل جايت ولاردىڭ 15 جىل بويى بالا سۇيمەۋىنىڭ نەگىزگى سەبەبى بولۋى مۇمكىن.
كۇيەۋىنىڭ ايتۋى بويىنشا، ۇيلەنگەنگە دەيىن ونىڭ سۇيىكتىسى جەكە گيگيەنانى ساقتاپ، اپتاسىنا ءبىر رەت جۋىنىپ جۇرگەن. ەڭ قىزىعى، ونىڭ ايەلى ۇيلەنۋ تويىنان كەيىن جىلىنا ءبىر رەت قانا جۋىنۋعا شەشىم قابىلداعان.
سونداي-اق، ول ءوزى جۇمىس ىستەمەگەنىمەن قويماي، كۇيەۋىنىڭ دە جۇمىس تابۋىنا مۇمكىندىك بەرمەگەن. ول كۇيەۋىنىڭ ۇيدە وتىرىپ، ونىڭ مۇگەدەك اكەسىنىڭ كۇتىمىمەن اينالىسۋىن تالاپ ەتكەن.
«مەنىڭ كۇزەتشى بولىپ قىزمەتكە تۇرۋىما مۇمكىندىك بولدى، الايدا لين (ايەلى) بۇل ادامدى قورلايتىن جۇمىس ەكەنىن ايتىپ، مەنىڭ جۇمىسقا شىعۋىما قارسى بولدى»، - دەيدى شاعىمدانۋشى.
ناتيجەسىندە ەرلى-زايىپتىلار وتە تارشىلىقتا كەدەي تۇرمىس كەشكەن، ولاردىڭ مەديتسينالىق قىزمەتتەرگە تولەيتىن قاراجاتتارى بولماعان. ولاردىڭ كۇن كورىسىنە ليننىڭ شەشەسى اقشا بەرىپ، ۇنەمى ولاردى اسىراۋعا مىندەتتى ەمەس ەكەنىن ايتىپ، ەسكەرتىپ تۇرعان.
2015 -جىلى ولاردىڭ ۇيلەنگەنىنە 13 جىل تولعاننان كەيىن كۇيەۋى ۇيىنەن كەتىپ، شينجۋ قالاسىندا جۇمىسقا ورنالاسقان. ونىڭ ايەلى جۇمىسىنا كەلىپ، ونىڭ تەز ارادا جۇمىستان شىعۋىن تالاپ ەتكەننەن كەيىن، ول اجىراسۋعا بەل بۋعان.
ال، ايەلى بولسا، كۇيەۋىنىڭ ولاردىڭ ارا-قاتىناسى تۋرالى وتىرىك ايتقانىن جانە ۇزاق ۋاقىت بويىن تەلەفون قوڭىراۋىنا جاۋاپ بەرمەگەننەن كەيىن، ونى جۇمىسىنا ىزدەپ بارعانىن ايتادى.
سوت ەرلى-زايىپتىلاردىڭ جۇمىسقا، وتباسىلىق مىندەتتەرگە جانە جەكە گيگيەناعا قاتىستى كەلىسپەۋشىلىكتەرىن اتاپ ءوتىپ، اجىراسۋ تۋرالى شاعىمدى قاناعاتتاندىردى. سوت شەشىمىنە ءالى دە شاعىمدانۋعا بولادى.
دەرەككوزى: http://www.newsru.com
