تارازدا كۇن قاتتى سۋىتىپ كەتتى

تاراز. قازاقپارات - جامبىل وبلىسى مەن تاراز قالاسىنىڭ اۋماعىندا اۋا تەمپەراتۋراسى كۇرت تومەندەپ كەتتى، دەپ حابارلايدى قازاقپارات ح ا ا.

وسىعان دەيىن ايماقتا كۇن جىلى بولىپ تۇرعان. سينوپتيكتەر حابارلاعان جىلدامدىعى سەكۋندىنا 30 مەترگە جەتەتىن جەلدەن سوڭ كۇن قاتتى سۋىتىپ، قار قالىڭ جاۋدى. جول كوكتايعاققا اينالدى. سينوپتيكتەردىڭ بولجامى بويىنشا، تارازدا جانە وبلىستا قاڭتار ايىنىڭ سوڭىنا دەيىن كۇن سۋىق بولادى.

وسىنداي جاعدايعا قاراماستان جامبىل وبلىستىق توتەنشە جاعدايلار دەپارتامەنتى قىزمەتكەرلەرىنىڭ حابارلاۋىنشا، جامبىل وبلىسىنداعى رەسپۋبليكالىق جانە وبلىستىق ماڭىزداعى بارلىق تراسسالار مەن قورداي، كۇيىك، شاقپاق جانە حانتاۋ شاتقالدارىندا جول اشىق.

جامبىل وبلىسىنىڭ تاۋلى ايماقتارىندا قاردىڭ قالىڭ تۇسۋىنە بايلانىستى كوشكىن ءجۇرۋ قاۋىپى بار.

«قازگيدرومەت» ر م ك- نىڭ مالىمەتتەرى بويىنشا، جامبىل وبلىسىنىڭ اۋماعىندا قار جاۋىپ، تۇمان ءتۇسىپ، بوران سوعىپ، كوكتايعاق بولۋى ىقتيمال. جەل وڭتۇستىك باتىستان، باتىستان سوعادى. تۇندە اۋا تەمپەراتۋسى 13 گرادۋسقا دەيىن سۋىتادى. كۇندىز كۇن 5 گرادۋسقا دەيىن ءبىرشاما جىلي ءتۇسۋى مۇمكىن.

تارازدا قار جاۋادى، تۇمان ءتۇسىپ، كوكتايعاق بولادى. اۋا تەمپەراتۋراسى تۇندە -1، -3، كۇندىز 0-2 گرادۋس سۋىق.

اۆتور: ايدار وسپاناليەۆ