پرەزيدەنت اكىمدەردىڭ حالىقپەن ەسەپتىك كەزدەسۋلەرىنە وزگەرىس ەنگىزدى

استانا. قازاقپارات - مەملەكەت باسشىسى نۇرسۇلتان نازاربايەۆ «ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» جارلىققا وزگەرىستەر مەن تولىقتىرۋلار ەنگىزدى، دەپ حابارلادى اقوردانىڭ باسپا ءسوز قىزمەتى.

«قازاقپارات» ح ا ا جارلىقتىڭ تولىق ءماتىنىن جاريالايدى.

قاۋلى ەتەمىن:

1. «ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» قازاقستان رەسپۋبليكاسى پرەزيدەنتىنىڭ 2016-جىلعى 5- اقپانداعى 190№  جارلىعىنا (قازاقستان رەسپۋبليكاسىنىڭ پ ءۇ ا ج- ى، 2016 ج.، 14№, 53-قۇجات) مىناداي وزگەرىستەر مەن تولىقتىرۋ ەنگىزىلسىن:

1-تارماق مىناداي رەداكسيادا جازىلسىن:

«1. ورتالىق اتقارۋشى ورگانداردىڭ (قازاقستان رەسپۋبليكاسىنىڭ قورعانىس، سىرتقى ىستەر، قورعانىس جانە اەروعارىش ونەركاسىبى مينيسترلىكتەرىن قوسپاعاندا) باسشىلارى جىل سايىن ەكىنشى توقسان ىشىندە بۇقارالىق اقپارات قۇرالدارى سالاسىنداعى ۋاكىلەتتى ورگاننىڭ كەلىسۋمەن، رەسپۋبليكالىق تەلەارنادا تىكەلەي قوسىلىم جانە وڭىرلەرمەن بەينەكونفەرەنتسبايلانىسىن ۇيىمداستىرا وتىرىپ، جۇرتشىلىق وكىلدەرىمەن ەسەپ بەرۋ كەزدەسۋلەرىن وتكىزسىن، ولاردىڭ بارىسىندا ەلدە ىسكە اسىرىلىپ جاتقان رەفورمالار، الەۋمەتتىك-ەكونوميكالىق دامۋ، ستراتەگيالىق جوسپارلاردىڭ ءتۇيىندى كورسەتكىشتەرىنە قول جەتكىزۋ مەن ءتيىستى سالالاردى دامىتۋ جونىندەگى مىندەتتەر تۋرالى حاباردار ەتسىن.»؛

5-تارماق مىناداي رەداكسيادا جازىلسىن:

«5. ورتالىق جانە جەرگىلىكتى اتقارۋشى ورگاندار:

1) ەسەپ بەرۋ كەزدەسۋلەرى وتەتىن كۇننەن ءبىر اي بۇرىن ورتالىق جانە وڭىرلىك بۇقارالىق اقپارات باسپا قۇرالدارىندا، رەسمي ينتەرنەت- رەسۋرستاردا جانە «ەلەكتروندىق ۇكىمەتتىڭ» ۆەب- پورتالىندا، ونىڭ ىشىندە اشىق دەرەكتەردىڭ ينتەرنەت-پورتالىندا ەسەپ بەرۋ كەزدەسۋلەرىن وتكىزۋ كەستەلەرىن جانە الداعى ەسەپ بەرۋگە حالىقتىڭ سۇراقتارى مەن ۇسىنىستارىن جولداۋ تاسىلدەرى تۋرالى اقپاراتتى جاريالاسىن؛

2) ەسەپ بەرۋ كەزدەسۋلەرى وتەتىن كۇننەن ءبىر اي بۇرىن اشىق دەرەكتەردىڭ ينتەرنەت-پورتالىنا جانە ورتالىق، جەرگىلىكتى اتقارۋشى ورگانداردىڭ ءبىرىنشى باسشىلارىنىڭ بلوگ پلاتفورماسىنا، سونداي-اق وتىنىشتەردىڭ باسقا دا نىساندارىندا كەلىپ تۇسكەن ۇسىنىستار مەن سۇراقتاردى جيناۋدى، تالداۋدى جانە ىرىكتەۋدى قامتاماسىز ەتسىن.»؛

مىناداي مازمۇنداعى 5-1-تارماقپەن تولىقتىرىلسىن:

«5-1. ورتالىق اتقارۋشى ورگانداردىڭ باسشىلارى ەسەپتى كەزدەسۋ اياقتالعان كۇننەن باستاپ كۇنتىزبەلىك ون كۇننەن كەشىكتىرمەي وتكىزىلگەن ەسەپتى كەزدەسۋلەردىڭ قورىتىندىلارى بويىنشا بۇقارالىق اقپارات قۇرالدارى ءۇشىن ورتالىق كوممۋنيكاتسيالار قىزمەتىنىڭ بريفينگىندە ءسوز سويلەسىن.».

2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ن. نازاربايەۆ

استانا، اقوردا، 2018- جىلعى 10- قاڭتار

622№