استاناداعى ەكى مۇنارانىڭ تەڭسەلۋى: ق ت ج باس كەڭسەدەگى جاعدايدى ءتۇسىندىرىپ بەردى

استانا. قازاقپارات - الەۋمەتتىك جەلىدە «قازاقستان تەمىر جولى» ۇلتتىق كومپانياسىنىڭ باس كەڭسەسىندە تۇسىرىلگەن ۆيدەو تاراپ كەتتى، دەپ حابارلايدى قازاقپارات ءتىلشىسى.

اتالعان ۆيدەونىڭ عيماراتتىڭ 28- قاباتىندا ورنالاسقان دالىزدە تۇسىرىلگەنىن بايقاۋعا بولادى. ول ءدالىز ەكى مۇنارانى قوسىپ تۇر. سول جەردە قاتتى جەلدىڭ سالدارىنان نىساننىڭ قالايشا تەڭسەلىپ تۇرعانىن انىق بايقاۋعا بولادى. جەردەگى كەراميكالىق پليتكا دا قوزعالىپ جاتىر.

ايتا كەتكەن ءجون، «ق ت ج» - نىڭ ءبىر مۇناراسى 37 قاباتتان تۇرادى. ونىڭ بيىكتىگى - 156 مەتر. ال ەكىنشى مۇنارا 174 مەترگە دەيىن سوزىلادى. ول نىساندا 40 قابات بار.

«قازاقستان تەمىر جولى» ۇلتتىق كومپانياسىنىڭ باسپا ءسوز قىزمەتى اتالعان ۆيدەوعا قاتىستى تۇسىنىك بەردى. كومپانيا عيماراتى 2009 -جىلى پايدالانۋعا بەرىلگەن بولاتىن. جوبانى ارنايى ۇيىمدار (مەملەكەتتىك ساراپتاما» ر م ك. «قاز ن ي ي س س ا» ر م ك جانە تاعى باسقا) تەكسەرىپ شىققان. كونسترۋكتسيا بويىنشا ونداي بيىك عيماراتتار تەمىربەتون كاركاستان تۇرعىزىلادى.

ءاربىر مۇنارانىڭ بيىكتىگىن ەسكەرە وتىرىپ، ەكى نىساننىڭ اراسىنداعى دالىزدەر ارنايى شارنيرلەرگە ورناتىلعان. وندايدا قاتتى جەل بولعاندا نىساننىڭ ءسال- ءپال قوزعالىپ تۇرۋى ەسكەرىلەدى. جوباعا سايكەس، قاتتى جەل سوققاندا عيماراتتىڭ ۇستىڭگى جاعى قوزعالىپ تۇرادى. ءدالىز دە نورماتيۆ بويىنشا قاراستىرىلعان نۇكتەدە ورناتىلعان، - دەلىنگەن «ق ت ج» - نىڭ تۇسىنىكتەمەسىندە.

 ايتا كەتەيىك، بۇگىن قاتتى بورانعا بايلانىستى استانادا تابيعي سيپاتتاعى توتەنشە جاعداي جاريالاندى. جەلدىڭ قاتتى بولعانى سونشا، اگروتەحنيكالىق ۋنيۆەرسيتەتتىڭ شاتىرى كوككە ۇشتى.

  اۆتور: ارمان اسقاروۆ