استاناداعى بوراندا جۇمىس ىستەگەن جۋرناليستەر ەلدى ءسۇيسىنتتى

استانا. قازاقپارات - جەلىدە اق تۇتەك بوراندا استانا كوشەلەرىندە رەپورتاج جاساپ جاتقان «قازاقستان» ارناسىنىڭ تىلشىلەرى تۋرالى ۆيدەو جاريالاندى، دەپ حابارلايدى قازاقپارات.

ۆيدەونى اتالمىش تەلەارنانىڭ باسشىسى ەرلان قارين فەيسبۋكتەگى ءوز پاراقشاسىنا جۇكتەدى.

 «مەنىڭ ارىپتەستەرىم - ءوز ءىسىنىڭ ناعىز شەبەرلەرى. استانانىڭ بۇگىنگى بورانىندا «Qazaqstan» ارناسىنىڭ «جاڭالىق شىعارۋشىلارى» قالاي جۇمىس ىستەگەنىن كورىڭىزدەر»، - دەپ جازدى تەلەارنا باسشىسى.

ايتا كەتەيىك، بۇگىن ەلوردادا بۇرىن- سوڭدى بولماعان بوران سالدارىنان تابيعي سيپاتتاعى توتەنشە جاعداي جاريالاندى. كوپتەگەن عيماراتتاردىڭ شاتىرلارى كوككە ۇشتى. ءبىر تاۋلىكتە 60-تان استام جول- كولىك وقيعاسى تىركەلدى. قالا اكىمى اسەت يسەكەشيەۆ استانالىقتار مەن قالا قوناقتارىنا ۇيدەن شىقپاۋعا كەڭەس بەردى. مەكتەپتەردە ءبىرىنشى جانە ەكىنشى اۋىسىمداعى 0-11-سىنىپ وقۋشىلارى مەن كوللەدجدەردىڭ 1-2 كۋرس ستۋدەنتتەرى ءۇشىن ساباق بولعان جوق.

سينوپتيكتەردىڭ بولجاۋىنا قاراعاندا، 12 - قاڭتار كۇنى بۇرقاسىننىڭ بەتى قايتا باستايدى. باتىستان، سولتۇستىك- باتىستان سەكۋندىنا 9-14 مەتر جىلدامدىقپەن جەل سوعىپ، تۇندە اۋا تەمپەراتۋراسى -11... -13 گرادۋسقا دەيىن تومەندەيدى.