باقىت سۇلتانوۆ ۇكىمەت باسشىسىنان ۆيتسە- مينيسترلەردى جازالاۋدى سۇرادى
«2017 -جىلعى 11 ايىنىڭ قورىتىندىسى بويىنشا ۇكىمەت وتىرىسىندا بيۋدجەت قاراجاتىن يگەرۋدە بەلگىلى ءبىر تاۋەكەلدەر جونىندە ايتىلعان بولاتىن. الدىمىزدا پارلامەنتتە جىلدىق ەسەپ ناتيجەلەرىن تالقىلاۋ تۇر. وندا مىندەتتى تۇردە جاۋاپكەرشىلىك تۋرالى سۇراق تۋىندايتىنى انىق. وسىعان وراي قارجىنى تولىق يگەرمەگەن ورتالىق مەملەكەتتىك ورگاندار بويىنشا ۇكىمەتكە ءمينيستردىڭ ورىنباسارى جانە كوميتەتتەر ءتوراعاسى دەڭگەيىندەگى لاۋىزىم يەلەرىن جاۋاپكەرشىلىككە تارتۋعا ۇسىنىس ەنگىزەمىز. نىسانالى ترانسفەرتتەردىڭ سوماسىن يگەرمەگەن ايماقتاردىڭ اكىمدەرىنەن دە ءتيىستى لاۋازىمدى تۇلعالاردى جاۋاپكەرشىلىككە تارتۋىن سۇرايمىن»، - دەپ اتاپ ءوتتى ب. سۇلتانوۆ ۇكىمەت وتىرىسىندا.
ونىڭ سوزىنە قاراعاندا، وتكەن جىلى جالپى سوماسى 8,6 تريلليون تەڭگەگە 496 مىڭ مەملەكەتتىك ساتىپ الۋ ءراسىمى كامەرالدىق باقىلاۋمەن قامتىلدى. تەكسەرۋ قورىتىندىلارى بويىنشا جالپى سوماسى 728 ميلليارد تەڭگەگە بۇزۋشىلىقتار انىقتالدى. ونىڭ ىشىندە كونكۋرستاردىڭ قورىتىندىلارىن جويۋ جانە قايتا قاراۋ جولىمەن 710 ميلليارد تەڭگە سوماعا، ياعني 97,5 پايىزعا بۇزۋشىلىقتار ۋاقتىلى جويىلدى.
اۋديتورلىق ءىس- شارالارمەن 2,3 تريلليون تەڭگە بيۋدجەت قاراجاتى قامتىلدى. بارلىق سوماسى 275 ميلليارد تەڭگەگە قارجىلىق بۇزۋشىلىقتار انىقتالدى. ونىڭ ىشىندە تاۋارلاردى جەتكىزۋ، قىزمەتتەر كورسەتۋ جانە جۇمىستاردى ورىنداۋ، بيۋدجەتكە وتەۋ جانە ەسەپكە الۋ بويىنشا كورسەتۋ جولىمەن 259 ميلليارد تەڭگە تۇزەتىلدى.
بۇدان بولەك ول مەملەكەتتىك بيۋدجەتتىڭ الەۋمەتتىك قۇرامىن ارتتىرۋ قامتاماسىز ەتىلگەنىن اتاپ ءوتتى.
«2016 - جىلمەن سالىستىرعاندا الەۋمەتتىك سالاعا ارنالعان شىعىستاردىڭ ءوسۋ قارقىنى 112 پايىزدى قۇرايدى، ال ولاردىڭ تازا شىعىستارداعى ۇلەسى 51 پايىزعا جەتتى. ال، مەملەكەتتىك بيۋدجەتتىڭ نەگىزگى پارامەترلەرىنە كەلسەك، ولار الدىن الا دەرەكتەر بويىنشا ورىندالدى. كىرىستەر بويىنشا جىلدىق جوسپار بارلىق بيۋدجەتتەردە اسىرا ورىندالدى. وتكەن جىلعا قاراعاندا مەملەكەتتىك بيۋدجەتتىڭ كىرىستەرىنىڭ ءوسىمى 700 ميلليارد تەڭگەنى قۇرادى»، - دەپ توقتالدى قارجى ءمينيسترى.
شىعىستار بويىنشا جۇمىس بارىنشا جوعارى اتقارىلدى: مەملەكەتتىك بيۋدجەت - 99,7 پايىز، رەسپۋبليكالىق بيۋدجەت - 99,8 پايىز جانە جەرگىلىكتى بيۋدجەت - 99,6 پايىز.
«رەسپۋبليكالىق بيۋدجەتتىڭ تاپشىلىعى 1357 ميلليارد تەڭگەنى قۇرادى. بۇل جوسپارداعىدان (1486 ميلليارد تەڭگە) 129 ميلليارد تەڭگەگە از. بيۋدجەت قاراجاتى 2016 -جىلعا قاراعاندا اۋديتورلىق ءىس- شارالارمەن جانە كامەرالدىق باقىلاۋمەن ەكى ەسەگە كوپ قامتىلدى. اكىمشىلىك جاۋاپكەرشىلىككە تارتىلعان ادامداردىڭ سانى 2,2 ەسەگە ازايدى. ول، كامەرالدى باقىلاۋداعى پريەۆەنتيۆتىك شارالار تيىمدىلىگىنىڭ ارتۋى ارقاسىندا قامتاماسىز ەتىلدى»، - دەدى ب. سۇلتانوۆ.
اۆتور: رۋسلان عابباسوۆ
