الەمدەگى ءىرى الەۋمەتتىك جەلىلەردىڭ ءبىرى قازاق ءتىلدى مامان ىزدەپ جاتىر
كومپانيا ءوزىنىڭ Facebook-تەگى رەسمي پاراقشاسىندا جاريالاعان حابارلامادا ۇزدىك ۇمىتكەردىڭ قازاقستان نارىعىن زەرتتەۋمەن اينالىساتىن كوماندامەن بىرگە جۇمىس ىستەيتىنى حابارلانعان. جۇمىس ورنى يرلانديانىڭ دۋبلين قالاسىنداعى كەڭسەسىندە ورنالاسقان.
ۇمىتكەر قازاقستانداعى قولدانۋشىلاردان كەلگەن ساۋالدارعا جاۋاپ بەرىپ، قازاق تىلىندەگى كونتەنتتىڭ حابارلامالارىن تەكسەرۋمەن اينالىسادى، قولدانۋشىلارعا قولداۋ كورسەتىپ، اككاۋنتقا قاتىستى تۋىنداعان ماسەلەلەرمەن اينالىسادى.
ۇمىتكەر جىلدام ءارى ساپالى جۇمىس ىستەپ، قازاقستاندا بولىپ جاتقان سوڭعى وقيعالاردان حاباردار بولىپ وتىرۋى ءتيىس. سونداي-اق، ونىڭ باكالاۆر مەن ماگيستر وقۋ دارەجەسى نەمەسە ساراپتامالىق جوبالار سالاسىندا جۇمىس ءوتىلى بولۋى ءتيىس. ۇمىتكەردەن اعىلشىن جانە قازاق تىلدەرىن ەركىن مەڭگەرۋى تالاپ ەتىلەدى. Excel جانە SQL باعدارلامالارىمەن جۇمىس ىستەي الۋى - ۇلكەن ارتىقشىلىق بولماق.
