الماتى اۋەجايىندا بولعان وقىس وقيعا ۇشقىشتىڭ قاتەلىگىنەن بولدى
«ەير استانا» اۋە كومپانياسىنا تيەسىلى ۇشاقتىڭ جولاقتان شىعىپ كەتۋىنە قاتتى جىلدامدىق سەبەپ بولعان. جۇيتكىپ كەلە جاتقان ۇشاق بۇرىلا الماي، جولاقتان اۋىپ كەتكەن. سوسىن، تەجەگىشتى دۇرىس پايدالانباعان.
توتەنشە جاعدايدىڭ تاعى باسقا سەبەپتەرى: اۋە الدىنداعى ساپاسىز دايىندىق، اۋە كەمەسى ورنىنىڭ ارنايى پارامەترلەرىن جانە اۋەجاي پارامەترلەرى بىلمەۋ.
ەسكە سالا كەتەيىك، 10 - جەلتوقساندا وقىس وقيعاعا تاپ بولعان ۇشاق الماتىدان بانگكوكقا ۇشۋى ءتيىس بولاتىن. اۋە كەمەسىندە جۇزدەن استام جولاۋشى بولعان. ەشكىم زارداپ شەككەن جوق. ال جولدان كەشىككەن جولاۋشىلار رەزەرۆتەگى ۇشاقپەن بانگكوكقا جونەلتىلدى.
لاينەردىڭ ءوزىن باتپاقتان ارنايى تەحنيكانىڭ كومەگىمەن 5 ساعاتتا شىعارىپ الدى. كەيىن، ول جوندەۋگە جىبەرىلدى.
وقيعا بولعان كۇنى اۋە كومپانياسى بىردەن ۇشاقتىڭ تەجەگىشى ىستەن شىققان جوق دەپ مالىمدەگەن ەدى.
تىزگىنگە يە بولا الماعان ۇشقىشقا قانداي جازا قولدانعانى بەلگىسىز.
