اينۇر تۇرسىنبايەۆا ەركەكتەرگە ايەلدىڭ كوڭىلىن قالاي تابۋعا بولاتىنىن ايتتى
اقىننىڭ ايتۋىنشا، ايەلدىڭ كوڭىلىن تابۋ ءۇشىن وعان ءۇي شارۋاسىمەن كومەكتەسىپ قاجەت ەمەس. ەرلەر ەشتەڭە ىستەمەي- اق قويسا دا رازىمىز، دەگەندى العا تارتتى ول.
بۇل تۋرالى Stan.kz حابارلايدى.
«ايەلدەرگە ءجانناتقا بارۋ وڭاي، كۇيەۋىنىڭ رازىلىعىن السا بولدى» دەپ جاتادى. ال، سىزدەرگە ەركەكتىڭ كوڭىلىن تابۋ وپ- وڭاي دەپ كىم ايتتى؟! ونىڭ قاباعىنا قاراپ، تاماعىن دايىندايسىز، كيىمىن جۋىپ، ۇتىكتەيسىز، 9 اي 10 كۇن كوتەرىپ ۇرپاعىن دۇنيەگە اكەلەسىز، جۇمىستان شارشاپ كەلگەندە بالالاردى شۋلاتپاي ديۆاندا جاتىپ دەمالۋىنا مۇمكىندىك جاسايسىز، بىر جاققا كەتەتىن بولسا كيىم كەشەگىن دايىنداپ، تازالاپ شىعارىپ سالاسىز. ۇيگە كەلگەندە تاماق ءسال كەش دايىن بوپ قالسا ءبىتتى، ونىڭ قاباعى اشىلماي، «كەشكە دەيىن نە بىتىرەسىڭ وسى» دەپ وكپەلەيدى دە قالادى... ءبىراق ولاردىڭ رازىلىعىن الماساڭ تاعى بولمايدى»، - دەپ باستادى ءسوزىن تانىمال اقىن.
بۇدان كەيىن، تۇرسىنبايەۆا ايەلدىڭ كوڭىلىن تابۋ ءۇشىن قانداي امال جاساۋ كەرەكتىگىن ايتتى.
«ول ءۇشىن نە ىستەۋ كەرەك؟! ەشتەڭە ىستەمەي- اق قويىڭىز...(ءۇي شارۋاسىنا ارالاسپاڭىز، اس بولمەگە كىرمەسەڭىز دە بولادى، ايەلدەر جاعالاسا بەرگەن ەركەكتى جاقتىرمايدى نەگىزى) تەك، ۇيگە كۇلىمدەپ كىرىپ «جانىم، سەنى جار قىلىپ العان مەن قانداي باقىتتىمىن» دەسەڭىز بولدى عوي. ايەل بايقۇس ءماز بولىپ شاپقىلاي بەرەدى. ال ەندى قولىڭىزدا ءبىر تال گۇل بولسا... وندا وسىناۋ جەردىڭ بەتىندە ءسىزدىڭ جارىڭىزدان باقىتتى ادام جوق! وڭاي عوي ءيا، جىگىتتەر؟ » - دەپ تۇيىندەدى ءسوزىن تۇرسىنبايەۆا.
