ق ر ۇلتتىق اكادەميالىق كىتاپحاناسىندا ەلباسى جولداۋى تالقىلاندى

استانا. قازاقپارات - ق ر ۇلتتىق اكادەميالىق كىتاپحاناسىندا مەملەكەت باسشىسىنىڭ «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» تۋرالى قازاقستان حالقىنا جولداۋى تالقىلاندى، دەپ حابارلايدى قازاقپارات ءتىلشىسى.

تالقىلاۋعا مادەنيەت جانە سپورت ماسەلەلەرى جونىندەگى قوعامدىق كەڭەس مۇشەلەرى جينالدى.

«مەملەكەت باسشىسىنىڭ جولداۋى - قازاقستاندىق قوعامنىڭ الەۋمەتتىك-ەكونوميكالىق دامۋ باعىتتارى ايتىلاتىن ماڭىزدى ساياسي قۇجات. شىن مانىندە بۇل الدا تۇرعان ەڭ كۇردەلى ماسەلەلەردىڭ توعىسۋى. باسقارۋ عىلىمىندا قىزىقتى اكسيوما بار، ءتيىمدى باسقارۋ مەن دامۋ ءۇشىن ءۇش نارسە قاجەت: جۇيە، پەرسپەكتيۆا جانە باقىلاۋ. كەزەكتى رەت ەلباسى ەلدەگى بارلىق باسقارۋشىلارعا قوعام الدىندا تۇرعان مىندەتتەردى جۇزەگە اسىرۋعا ۇقىپتىلىقپەن جانە جاسامپازدىقپەن كەلۋ ۇلگىسىن كورسەتتى»، - دەدى ل. ن. گۋميليەۆ اتىنداعى ە ۇ ۋ قازاقستان حالقى اسسامبلەياسى كافەدراسىنىڭ مەڭگەرۋشىسى اناتولي باشماكوۆ.

سونداي-اق، ق ح ا كافەدراسىنىڭ مەڭگەرۋشىسى جولداۋدىڭ ادامي كاپيتالدىڭ دامۋى جونىندە ايتىلاتىن جەتىنشى باعىتىنا ەرەكشە توقتالدى.

«مەملەكەت باسشىسى كەلتىرگەن بارلىق 10 باعىتپەن تانىسىپ شىقتىم جانە مەن ءۇشىن جەتىنشى باعىت اسا ماڭىزدى. مۇندا ادامي كاپيتال تۋرالى وقي وتىرىپ، ەڭ باستى ماسەلە - مادەنيەتتىڭ دامۋى ويعا ورالدى. سەبەبى، مادەنيەت تۇسىنىگىنە ەكونوميكانىڭ، تەحنولوگيالاردىڭ، بيزنەستىڭ جانە تۇتاس ادامي كاپيتالدىڭ باستى ستراتەگيالىق رەسۋرسى رەتىندە قارايمىن. بۇل فاكتور بولماسا، العا قويىلعان 10 مىندەتتىڭ ءبىرى دە ورىندالمايدى. سوندىقتان، ەلباسى جولداۋىنىڭ جۇزەگە اسىرىلۋى مادەنيەتتىڭ دامۋىنا تىكەلەي بايلانىستى»، - دەپ ءوز ءسوزىن تۇيىندەدى ا. باشماكوۆ.

اۆتور: ايجان سەرىكجان قىزى