استانادا تەگىن ءدارى-دارمەك ەمحانالار ارقىلى بەرىلمەك

استانا. قازاقپارات - استانا دەنساۋلىق ساقتاۋ باسقارماسى «گيپپوكرات» ءدارىحانالار جەلىسى قىزمەتىنەن باس تارتىپ، تەگىن ءدارى-دارمەكتى مەملەكەتتىك ەمحانالار ارقىلى بەرۋگە شەشىم قابىلدادى، دەپ حابارلايدى «قازاقپارات» ح ا ا ءتىلشىسى ەلوردا اكىمدىگىنىڭ باسپا ءسوز حاتشىسى ەلۆيرا جۇرگەنبايەۆاعا سىلتەمە جاساپ.

«ءدارى- دارمەك قولجەتىمدىلىگىن ارتتىرۋ جانە امبۋلاتوريالىق ءدارى- دارمەكپەن قامتاماسىز ەتۋ شىعىندارىن رەتتەۋ ءۇشىن دەنساۋلىق ساقتاۋ باسقارماسى دارىلىك پرەپاراتتاردى مەملەكەتتىك ەمحانالار ارقىلى بەرۋگە شەشىم قابىلدادى»، - دەپ جازدى ول فەيسبۋكتە.

بۇرىن قالا اكىمدىگى تەگىن مەديتسينالىق كومەكتىڭ كەپىلدەنگەن كولەمى اياسىنداعى امبۋلاتوريالىق ءدارى- دارمەكپەن قامتۋ تۋرالى اقپارات تاراتقان بولاتىن.

«رەسپۋبليكالىق بيۋدجەت 2018 -جىل ءۇشىن استاناعا 119 مىڭ ناۋقاستى قامتاماسىز ەتۋ ماقساتىندا 7,6 ميلليارد تەڭگە قارجى ءبولدى. ال تەگىن پرەپاراتتاردىڭ ءتىزىمى %30 عا ۇلعايىپ، استانا قالاسىنىڭ ەمحانالارى سۇراعان قارجى 12 ميلليارد تەڭگە بولدى. ياعني بيۋدجەت دەفيتسيتى 4,4 ميلليارد تەڭگەنى قۇرادى»، - دەلىنگەن دەنساۋلىق ساقتاۋ باسقارماسىنىڭ حابارلاماسىندا.

2017 -جىلى تەگىن امبۋلاتوريالىق قامتۋ اياسىندا 8,7 ميلليارد تەڭگەنىڭ ءدارى- دارمەگى يگەرىلگەن، ءبىراق بۇل استانا تۇرعىندارىنىڭ قاجەتتىلىگىن تولىعىمەن قاناعاتتاندىرعان جوق. 2017 -جىلى 98,5 مىڭ ادام قامتاماسىز ەتىلگەن، بۇل 2016 -جىلعا قاراعاندا 8,5 مىڭعا كوپ دەگەن ءسوز.

ازىرگە «س ك- فارماتسيا» ج ش س مەن ەمحانالار اراسىندا تۇرعىنداردى ءدارى- دارمەكپەن امبۋلاتوريالىق دەڭگەيدە قامتاماسىز ەتۋ تۋرالى كەلىسىم جاسالماعان، سوندىقتان پرەپاراتتاردى جەتكىزۋ كەشەۋىلدەۋى مۇمكىن.

ءدارى-دارمەك جەتىسپەۋشىلىگىن بولدىرماۋ ماقساتىندا باسقارما 2018 -جىلعى قاڭتاردىڭ سوڭىنا دەيىن تۇرعىنداردىڭ ديسپانسەرلىك توبىن پرەپاراتتارمەن قامتۋ شارالارىن قاراستىردى.

ەگەر «س ك- فارماتسيا» ج ش س دارىلىك پرەپاراتتاردى قالاداعى ەمحانالاردىڭ قويماسىنا جەتكىزۋى بارىسىندا ۇزىلىستەر بولسا، داعدارىس جاعدايىن تۋىنداتىپ، ەلوردا تۇرعىندارىنىڭ نارازىلىعىنا سەبەپ بولۋى مۇمكىن.