ەلباسى: ازاماتتىق قوعام قۇرىلعاندا وزگە ۇلت وكىلى دە پرەزيدەنت بولىپ سايلانا الادى

استانا. قازاقپارات - ازاماتتىق قوعام قۇرىلعاندا وزگە ۇلتتىڭ وكىلىنىڭ دە پرەزيدەنت بولىپ سايلانۋعا مۇمكىندىگى بولادى.

بۇل جايىندا بۇگىن رەسپۋبليكالىق باسىلىمداردا جاريالانعان ق ر پرەزيدەنتى نۇرسۇلتان نازاربايەۆتىڭ قازاقستان حالقىنا ارنالعان جولداۋىندا ايتىلعان، دەپ حابارلايدى قازاقپارات.

«ورىس ءتىلىن ءبىلۋ ماڭىزدى بولىپ قالا بەرەدى. 2016 -جىلدان بەرى جاڭارتىلعان باعدارلاما بويىنشا ورىس ءتىلى قازاق مەكتەپتەرىندە 1-سىنىپتان باستاپ وقىتىلىپ كەلەدى. 2019 -جىلدان 10-11-سىنىپتارداعى جاراتىلىستانۋ عىلىمىنىڭ جەكەلەگەن پاندەرىن وقىتۋدى اعىلشىن تىلىنە كوشىرۋ باستالاتىن بولادى»، - دەدى نۇرسۇلتان نازاربايەۆ قازاقستان حالقىنا ارنالعان جولداۋىندا.

ناتيجەسىندە، مەملەكەت باسشىسىنىڭ پايىمىنشا، ءبىزدىڭ بارلىق تۇلەكتەرىمىز ەلىمىزدە جانە جاھاندىق الەمدە ءومىر ءسۇرىپ، جۇمىس ىستەۋى ءۇشىن قاجەتتى دەڭگەيدە ءۇش ءتىلدى مەڭگەرەتىن بولادى.

«سوندا عانا ناعىز ازاماتتىق قوعام قۇرىلادى. كەز كەلگەن ەتنيكالىق توپتىڭ وكىلى كەز كەلگەن جۇمىستى تاڭداي الادى، ءتىپتى پرەزيدەنت بولىپ سايلانۋعا دا مۇمكىندىگى بولادى. قازاقستاندىقتار ءبىرتۇتاس ۇلتقا اينالادى»، - دەدى نۇرسۇلتان نازاربايەۆ.