14:31, 09 - قاڭتار 2018 | GMT +5
قازاقستاننان رەسەيگە وق پەن قارۋ الىپ وتپەك بولعاندار ۇستالدى
استانا. قازاقپارات - قازاقستان شەكاراشىلارى قازاقستان-رەسەي شەكاراسىنان وق جانە قارۋ الىپ وتپەك بولعانداردى قولعا ءتۇسىردى، دەپ حابارلايدى «قازاقپارات» ح ا ا ق ر ۇ ق ك شەكارا قىزمەتىنە سىلتەمە جاساپ.
«قۇرمانعازى اۆتو» وتكىزۋ بەكەتىندە قازاقستاننان رەسەيگە «ميتسۋبيسي گالانت» كولىگىمەن كەتىپ بارا جاتقان 25 جاستاعى قازاقستان ازاماتى ۇستالدى. ول شەكارادان ەشقانداي رۇقسات قۇجاتسىز وق جانە تراۆماتيكالىق تاپانشا الىپ وتپەك بولعان.
ءدال وسى كۇنى ورالداعى شەكارا وتريادىنا قاراستى «سىرىم اۆتو» وتكىزۋ بەكەتىندە تاعى ەكى قازاقستاندىق ازامات ۇستالدى. ولار مىنگەن «تويوتا لاند كرۋزەر» كولىگىن تەكسەرۋ بارىسىندا، جۇك سالعىشتان 12 م م 50 وق جانە اڭشى مىلتىعى تابىلدى.
