سولتۇستىك كورەيا سپورتشىلارى قىسقى وليمپيادا ويىندارىنا قاتىساتىن بولدى
بۇل تۋرالى Bloomberg جانە Reuters اقپارات اگەنتتىكتەرى پحانمۋندجوم شەكارا بەكەتىندە ءوتىپ جاتقان سەۋل مەن پحەنيان اراسىندا كەلىسسوز بارىسىندا بەلگىلى بولدى دەپ جازدى. ەندى پحەنيان قىسقى ويىندارعا سپورتشىلارمەن قاتار، جانكۇيەرلەردى جانە ارنايى دەلەگاتسيانى جىبەرەدى.
ەستەرىڭىزگە سالا كەتەيىك، وسىعان دەيىن بۇگىن تاڭەرتەڭ پحامۋندجوم شەكارا بەكەتىندە كورەيا رەسپۋبليكاسى مەن ك ح د ر اراسىنداعى قاتىناستاردى قالىپتاستىرۋ ماقساتىندا كەلىسسوزدەر باستالعانىن قابارلاعان بولاتىنبىز.
كورەياارالىق كەلىسسوزدەردىڭ باستى تاقىرىبى سەۋل مەن پحەنيان اراسىنداعى قارىم-قاتىناستاردى جاقسارتۋ، ونىڭ ىشىندە ك ح د ر سپورتشىلارىن پحەنچاندا وتەتىن قىسقى وليمپياداعا قاتىستىرۋ بولدى.
قازىر سولتۇستىك كورەيادان مانەرلەپ سىرعاناۋدان ءبىر جۇپ جولداما العان. قىسقى ويىندارعا سپورتشىلاردى تىركەۋ اياقتالىپ قويعان. ءبىراق حالىقارالىق وليمپيادا كوميتەتى سولتۇستىك كورەيا سپورتشىلارىن تىركەۋگە دايىن ەكەنىن مالىمدەدى.
قوس تاراپتىڭ كەلىسوزدەر توبىنا بەس-بەس ادامنان كىرەدى. كورەيا رەسپۋبليكاسىنىڭ دەلەگاتسياسىن بىرىگۋ ءمينيسترى چو مەن گەن باستاپ كەلسە، ك ح د ر جاعىنا كورەيانىڭ بەيبىت بىرىگۋ كوميتەتىنىڭ ءتوراعاسى ري سون گۆون باسشىلىق ەتەدى.
اۆتور: كۇنسۇلتان وتارباي
