13:03, 09 - قاڭتار 2018 | GMT +5
جاپونيالىق سپورتشى قارسىلاستارىنا دوپينگ بەرگەنى ءۇشىن سەگىز جىلعا سپورتتان شەتتەتىلدى
استانا. قازاقپارات - جاپونيالىق كانوە ەسۋشى ياسۋحيرو سۋدزۋكي قارسىلاستارىنىڭ تاماعىنا دوپينگ قوسىپ جىبەرگەنى ءۇشىن بارلىق جارىستاردان سەگىز جىلعا شەتتەتىلدى.
بۇل تۋرالى «سپورت-ەكسپرەسس» جاپونيالىق انتيدوپينگتىك اگەنتتىككە سىلتەمە جاساپ حابارلايدى.
باسىلىمنىڭ مالىمەتى بويىنشا، سۋدزۋكي بۇعان دەيىن ءتارتىپسىز قىلىعىمەن كوزگە تۇسكەن. ول بىرنەشە رەت قارسىلاستارىنىڭ سپورتتىق جابدىقتارىن ۇرلاعان ەكەن.
ال 2017-جىلدىڭ قىركۇيەك ايىندا ول قارسىلاسى، جاپونيا قۇراماسىنا ۇمىتكەر سەيدزي كوماتسۋدىڭ تاماعىنا رۇقسات ەتىلمەگەن مەتانديەنون دارۋمەنىن قوسىپ جىبەرگەن.
