مارستا پالما اعاشى وسىرىلەتىن بولدى

استانا. قازاقپارات - بىرىككەن اراب امىرلىگى ءوزىنىڭ تەحنولوگيالىق جانە ەكونوميكالىق دامۋ قارقىنىن جەتەلدەتۋ ءۇشىن عارىش كەڭىستىگىن زەرتتەۋ ءارى يگەرۋ سالاسىندا الدىنا امبيتسيالىق ماقساتتار قويىپ وتىر.

ناقتىراق ايتقاندا، مارستا پالما جاپىراعىنان ءونىم الۋدى جوسپارلاپ وتىر. ارابتار ماقساتقا قول جەتكىزۋ ءۇشىن عارىشتاعى «جەر» شارۋاشىلىعىن يگەرۋ ءۇشىن Mitsubishi Heavy Industries كومپانياسىمەن ىنتىماقتاستى.

«مارس پەن ءشول دالانىڭ بەلگىلى ءبىر ۇقساستىعى بار»، - دەپ مالىمدەدى ب ا ءا عارىش اگەنتتىگىنىڭ ستراتەگيالىق جوسپارلاۋدىڭ باس مامانى راشيد از- زايدي. ء«باا توپىراعى، لاندشافى مارستىكىنە ۇقسايدى»، - دەدى ول ناقتىلاپ. ب ا ءا قىزىل پلانەتادا پالما اعاشىن، تاڭقۋراي، ت. ب.

وسىرۋمەن بايلانىستى ەكى عىلىمي جوبانى قارجىلاندىرماق. بۇل باستاما قيسىنسىزداۋ ءارى قياليلاۋ كورىنسە دە ونىڭ ەكونوميكالىق نەگىزدەرى بار. «پارسى شىعاناعى ايماعىندا 100 ميلليون جاس بار. ءبىز ولارعا بولاشاقتا جۇمىس تاۋىپ بەرۋىمىز كەرەك. مۇنىڭ ءبارى تەك مۇنايعا عانا تاۋەلدى ەمەس، سونىمەن قاتار، ءبىلىم مەن شىعارماشىلىق قابىلەتكە ورىن بەرەتىن ەكونوميكا قۇرۋ ءۇشىن قولعا الىنادى»، - دەدى مارسقا ەكسپەديتسيا جوباسىنىڭ جەتەكشىسى ومران شاراف.

ايتا كەتەيىك، اتالعان ەلدە 2014 -جىلى عارىش اگەنتتىگى قۇرىلعان ساتتەن باستاپ، قازىرگى ۋاقىتقا دەيىن مارستى زەرتتەۋ جوباسىنا 5,4 ميللياردتان اسا ينۆەستيسيا قۇيىلعان ەكەن.