قىتايدا حوتان قويى مەملەكەتتىڭ ەرەكشە قورعاۋىنا الىندى
بۇل ءۇي جانۋارلارىنىڭ مەملەكەتتىك دارەجەدە قورعالۋىن شىنجاڭ ولكەلىك مال شارۋاشىلىعى باسقارماسى ۇسىنىپ وتىر. قازىرگى كۇنى قىتاي مەملەكەتتىك ءۇي جانۋارلارى گەنەتيكا بايلىعى كوميتەتى ءۇي جانۋارىنىڭ 153 ءتۇرىن قورعاۋعا العان. مەملەكەتتىڭ قورعاۋىنا الىنعان جانۋارلاردىڭ قاتارىندا شىڭجاڭ ولكەسىنەن حوتان كوك ەسەگى، شىنجاڭ قارا اراسى، شىنجاڭ قازى، حوتان قويى، دولان قويى، قارا ءشارى جىلقىسى قاتارلى 6 ءۇي جانۋارىنىڭ ءتۇرى بار. بۇلار جويىلىپ كەتۋ قاۋپى تونگەن جانە سيرەك كەزدەسەتىن جانۋارلار سانالادى.
دەرەكتەرگە جۇگىنسەك، گەنەتيكالىق جويىلۋعا ولاردى ويلانباستان بۋدانداستىرا بەرۋ سەبەپ بولعان. باسقا جاقتان اكەلىنگەن تۇقىمدارعا باسا ءمان بەرىلۋ، باسەكەگە قابىلەتى تومەن تۇرلەرگە كوڭىل بولمەۋ، ءداستۇرلى مال شارۋاشىلىعىنىڭ ءرولىنىڭ تومەندەۋى دە وسى كەمشىلىككە اكەلىپ سوقتىرعان. ساراپشىلار الەمدەگى جانۋارلاردىڭ كوپتەگەن باعالى تۇرلەرىنە جويىلۋ ءقاۋپى ءتونىپ تۇرعانىنا باسا ءمان بەرىپ، قوعامعا ولاردىڭ گەنەتيكالىق رەسۋرسىن ساقتاپ قالۋعا بەلسەندى اتسالىسۋعا شاقىرادى.
اۆتور: باقىتجول كاكەش
