ون ءبىر جىل تۇرمەدە وتىرعان بوكسشى گولوۆكيندى جەكپە-جەككە شاقىردى

استانا. قازاقپارات - ورتا سالماقتاعى الەمنىڭ ەكس- چەمپيونى ديەۆون الەكساندەردىڭ اعاسى امەريكالىق ورتا سالماقتاعى بوكسشى ۆون الەكساندەر (11-0, 8 ك و) گەننادي گولوۆكينمەن (37-0-1, 33 ك و) ايقاسپاق نيەتتە، دەپ حابارلايدى Sports.kz.

2004 -جىلى ۆون مىقتى بوكسشىلاردىڭ ءبىر بولعان ەدى، ءبىراق قارۋلى قاراقشىلىق قىلمىسى ءۇشىن تۇرمەگە وتىرعان. ول ون ءبىر جىلعا باس بوستاندىعىنان ايىرىلدى. تەك 2015-جىلى قالىپتى ومىرگە كوشىپ، التى رەت جەكپە-جەككە شىعىپ، بارىندە دە جەڭىسكە جەتتى.

«مەن تۇرمەدە وتىرعان كەزىمدە 175 فۋنت ەدىم، قازىر - 160 جانە وسى سالماقتا ايقاسقىم كەلەدى. مەنىڭ جوسپارىم - ورتا سالماقتا الەم چەمپيونى بولۋ. سوندىقتان گولوۆكينمەن جەكپە-جەككە شىققىم كەلەدى»، - دەدى ۆون Prodigy of Boxing Talk-كە بەرگەن سۇحباتىندا.