قازاقستاندىق مانەرلەپ سىرعاناۋشىلار ابۋ- دابيدەن ءتورت مەدالمەن ورالدى

استانا. قازاقپارات - ب ا ءا، ابۋ- دابيدە 2018 - جىلعى FBMA Trophy - مانەرلەپ سىرعاناۋدان ءبىرىنشى الەم چەمپيوناتى اياقتالدى. ءبىزدىڭ سپورتشىلار جارىستان ءبىر التىن، ءبىر كۇمىس جانە ەكى قولا مەدال اكەلدى، دەپ جازادى «SPORTINFORM»  س ا ا.

استانالىق مانەرلەپ سىرعاناۋشى نيكيتا مانكو قىسقا جانە ەركىن باعدارلاما ناتيجەسىندە 139,30 ۇپايمەن جاسوسپىرىمدەر اراسىندا ەڭ ۇزدىك اتاندى.

قازاقستان چەمپيونى الانا توقتاروۆا قوس باعدارلامادان 117,97 ۇپاي جيناپ ەكىنشى ورىنعا تابان تىرەدى.

ايزا مامبەكوۆا 121,5 ۇپايمەن قولاعا قول جەتكىزسە، «Advanced Novice»  كاتەگورياسى بويىنشا بىلتىر نيۋ- يوركتەگى جارىستا كوزگە تۇسكەن اقتوبەلىك داريا ۆدوۆينا ءۇشىنشى ورىن يەلەندى.

ءبىزدىڭ سپورتشىلاردى الدىدا 22 - قاڭتار كۇنى قىتايدىڭ تايبەيىندە وتەتىن «ءتورت قۇرلىق چەمپيوناتى» كۇتىپ تۇر. ودان كەيىنگى ساپار وليمپيادامەن جالعاسپاق.