20:45, 08 - قاڭتار 2018 | GMT +5
قوس ازاماتتىعى بار ەر ادام قازاقستاننان شىعارىلدى
استانا. قازاقپارات - استانا قالاسىنىڭ كوشى- قون پوليتسياسى قوس ازاماتتىعى بار ەر ادامدى انىقتادى. سوت ۇكىمىمەن ونى قازاقستاننان شىعارىپ جىبەردى، دەپ حابارلايدى قازاقپارات ءتىلشىسى.
سوت ماتەريالدارى بويىنشا د. ەسىمدى ازامات 2012 -جىلى گەرمانيا ازاماتتىعىن العان بولاتىن. الايدا شەتەلدىڭ ءتولقۇجاتىن العانى جايىندا قۇزىرەتتى مەملەكەتتىك ورگاندارعا حابار بەرمەدى. ق ر اكىمشىلىك قۇقىق بۇزۋشىلىق تۋرالى كودەكسىنىڭ 2-بابى، 496-تارماعىنا سايكەس، قازاقستان ازاماتى وزگە ەلدىڭ ازاماتتىعىن السا، 30 كۇننىڭ ىشىندە ءتيىستى مەملەكەتتىك ورگاندارعا حابارلاۋى ءتيىس. ال د. ەسىمدى ەر ادام بەس جىلدان استام ۋاقىت بويى قوس ازاماتتىقپەن جۇرگەن.
«اتالعان قۇقىق بۇزۋشىلىق ءۇشىن د. اكىمشىلىك جاۋاپكەرشىلىككە تارتىلدى. سۋديا ونى قازاقستان رەسپۋبليكاسىنان شىعارىپ جىبەرۋ جونىندە شەشىم قابىلادى. سوت ۇكىمى كۇشىنە ەندى»، - دەلىنگەن استانا قالالىق سوتتىڭ رەسمي حابارلاماسىندا.
اۆتور: ارمان اسقاروۆ
