19:01, 08 - قاڭتار 2018 | GMT +6
جانىبەك ءالىمحان ۇلى ۇلتتىق قۇرامادان كەتتى
استانا. قازاقپارات - الەم جانە ازيا چەمپيونى جانىبەك ءالىمحان ۇلى قازاقستان ۇلتتىق قۇراماسىنداعى مانسابىن اياقتادى، دەپ حابارلايدى «SPORTINFORM» س ا ا.
«ىشكى بىرىنشىلىكتە جوعارى ناتيجە كورسەتپەسە دە ءبىز جانىبەكتى قۇراماعا العان ەدىك. الايدا، ول ۇلتتىق قۇراماداعى مانسابىن اياقتاۋدى ءجون سانادى. وعان نە سەبەپ بولعانىن وزىنەن باسقا ەشكىم بىلمەيدى. قاتارىمىزدان وسىنداي تاجىريبەلى بوكسشىنىڭ كەتكەندىگى وكىنىشتى، ارينە»، - دەيدى باس باپكەر مىرزاعالي ايتجانوۆ.
ازىرشە ءالىمحان ۇلىنىڭ الداعى ۋاقىتقا جوسپارى بىزگە بەلگىسىز. دەسە دە، ونى كاسىپقوي بوكستان كورىپ قالۋىمىز عاجاپ ەمەس.
