قازاقستاندا ەركەكتەردىڭ دەكرەتكە شىعۋى جيىلەپ بارادى
«2016-جىلى اتالعان الەۋمەتتىك تولەم الۋشىلاردىڭ جالپى سانىنىڭ 98 پايىزىن ايەلدەر، تەك 2 پايىزىن ەركەكتەر قۇراعان بولاتىن. ال 2017-جىلى 1 جاسقا دەيىنگى بالانىڭ كۇتىمىنە بايلانىستى كىرىسىنەن ايىرىلعان جاعدايدا الەۋمەتتىك تولەم الۋعا ءوتىنىم بەرگەندەردىڭ جالپى سانىنىڭ 8 پايىزىن ەركەكتەر قۇرادى»، - دەلىنگەن ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ «قازاقپاراتتىڭ» رەسمي ساۋالىنا بەرگەن جاۋابىندا.
استانا قالاسىنىڭ تۇرعىنى يلزات سافارعاليەۆتىڭ ايتۋىنشا، مۇنداي شەشىم قابىلداۋىنا جۇبايىنا قاراعاندا ءوزىنىڭ جالاقىسىنىڭ جوعارى بولۋى سەبەپ بولعان.
ايتا كەتەرلىگى، بالا دۇنيەگە كەلگەندە تولەنەتىن تولەماقىنىڭ بىرنەشە ءتۇرى بار. ءبىرىنشىسى، جۇمىس ىستەيتىن ايەلگە تيەسىلى دەكرەتتىك تولەماقى. ول ءبىر-اق رەت بەرىلەدى. ونى ەسەپتەۋدىڭ وزىندىك ۇلگىسى بار. تابىس مولشەرى ناقتى جۇمىس ىستەگەن مەرزىمىنە قاراماستان بالا تۋعانعا دەيىنگى سوڭعى جىلداعى الەۋمەتتىك اۋدارىمدار بويىنشا انىقتالادى. تولەم مولشەرىن سوڭعى جىلدىڭ ورتاشا ايلىق تابىسىن %10 مولشەرىندەگى زەينەتاقى اۋدارىمدارىن شەگەرۋمەن ەڭبەككە جارامسىزدىق كۇندەرىنىڭ كوەففيتسيەنتىنە كوبەيتۋ ارقىلى بىلۋگە بولادى.
ورتاشا ايلىق تابىس جىل بويعى جالپى تابىستى 12 ايعا بولگەندە انىقتالادى. ەڭبەككە جارامسىزدىق كۇندەرىنىڭ كوەففيتسيەنتى جۇكتىلىگى جانە بوسانۋىنا بايلانىستى دەمالىس كۇندەرىنىڭ سانىن 30 كۇنگە بولۋمەن انىقتالادى. سول سەبەپتى ماكسيمالدى كوەففيتسيەنت 126/30=4,2 تەڭەلەدى.
بالا تۋعانداعى ءبىرجولعى جورگەك پۇل مولشەرى زاڭمەن بەكىتىلگەن. ءبىرىنشى، ەكىنشى جانە ءۇشىنشى بالاعا - 30 ايلىق ەسەپتىك كورسەتكىش (ا ە ك)، ال، ءتورتىنشى، بەسىنشى، التىنشى جانە ت. ب. بالالارعا - 50 ا ە ك تولەنۋگە ءتيىس.
ال، سول بالانىڭ ءبىر جاسقا دەيىنگى كۇتىمى ءۇشىن اي سايىنعى جاردەماقىنى الۋعا ءسابيدىڭ اناسى نەمەسە اكەسى ءوتىنىش بەرە الادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2017-جىلدىڭ 9 ايىندا الەۋمەتتىك ساقتاندىرۋ قورىنان جۇكتىلىك پەن بالا تۋعانى ءۇشىن 48 ميلليارد تەڭگە، 1 جاسقا دەيىن بالا كۇتىمى ءۇشىن 53 ميلليارد تەڭگە تولەنگەن.
