قازاقتاندىق سپورتشى فريستايلدان الەم كۋبوگىندا كۇمىس جۇلدە الدى

الماتى. قازاقپارات - فريستايل- موگۋلدەن الەم كۋبوگىنىڭ كەزەڭىندە قازاقستاندىق سپورتشىلار جەتىستىككە جەتتى، دەپ حابارلايدى قازاقپارات FIS حالىقارالىق شاڭعى سپورتى تۇرلەرىنىڭ فەدەراتسياسىنا سىلتەمە جاساپ.

كانادانىڭ كالگاري قالاسىندا وتكەن كەزەڭدە قازاقستاندىق سپورتشىلار ايەلدەر جانە ەرلەر جارىسىندا باق سىنادى.

دميتري رەيحەرد جارىستىڭ بارلىق ساتىسىندا ەكىنشى ورىننان تومەندەمەدى. ىرىكتەۋدەن ءساتتى ءوتىپ، ول كەدەرگى جارىس جولىنان ءوتۋ جانە سەكىرۋدى ورىنداۋدا 83.75 ۇپاي يەلەندى. فينال-1 دە رەيحەرد (84.02) ەكىنشى كەلدى. باستى فينالدا ول جارىستى ەكىنشى اياقتادى، وعان 86.43 ۇپاي بەرىلدى جانە كەزەڭنىڭ كۇمىس جۇلدەسى بۇيىردى.

الەم كۋبوگىنىڭ جەڭىمپازى، جارىس جولىنىڭ قوجايىنى مايكل كينسبەرريگە (89.55) جەڭىسكە جەتتى، قولانى اۋستراليالىق مەتتا گرەم (83.23) يەلەندى.

ايەلدەر اراسىندا قازاقتاندىق يۋليا گالىشيەۆا باق سىنادى. ول ىرىكتەۋ جانە فينال-1 دە ەكىنشى ورىندا بولدى. الايدا باستى فينالدا تەك بەسىنشى بولىپ جارىس جولىن اياقتادى.